فوتو: Reuters

تۇركيا اق ءۇيدىڭ بۇرىنعى كومەكشىسى مايكل فلينگە فەتحۋللاح گيۋلەندى اقش-تان تۇركياعا جەتكىزىپ بەرۋدى ۇسىنىپ، ەگەر اتالعان ويدى ءساتتى جۇزەگە اسىرسا،  15 ملن دوللار كولەمىندە سىياقى بەرۋگە ۋادە ەتكەن.  NBC News جانە  Wall Street Journal بىرلەسىپ دايىنداعان ەسەبىندە اقش-تىڭ ۇلتتىق قاۋىپسىزدىك جونىندەگى بۇرىنعى كەڭەسشىسى مايكل فلين مەن ونىڭ ۇلى تۇركيا مەملەكەتىنىڭ وكىلدەرىمەن كەزدەسىپ، جوعارىدا اتالعان كەلىسىم ۇسىنىلعان بولۋى مۇمكىن دەگەن بولجام ايتادى. بۇل تۋرالى ۆۆس اقپاراتتىق اگەنتتىگى جازدى. 

اتالعان بولجامدى العاش رەت ناۋرىز ايىندا ورتالىق بارلاۋ باسقارماسىنىڭ بۇرىنعى باسشىسى دجەيمس ۆۋلسي ايتقان. Wall Street Journal ءوزى ۇسىنعان ايىپتاۋلارعا نەگىز رەتىندە جەلتوقسان ايىنىڭ ورتاسىندا مايكل فلين مەن تۇركيانىڭ رەسمي تۇلعالارى اراسىندا نيۋ-يوركتە وتكەن كەزدەسۋدى الىپ وتىر. باياندامادا بەرىلگەن نۇسقا بويىنشا مايكل فلين فەتحۋللاح گيۋلەندى جەكە ۇشاقتا تۇركياداعى يمرالى ارالىندا ورنالاسقان تۇرمەگە جەتكىزۋ قاجەت بولعان.

فەتحۋللاح گيۋلەن - تۇركيا پرەزيدەنتى رەدجەپ تايىپ ەردوعاننىڭ ەڭ ۇلكەن قارسىلاستارىنىڭ ءبىرى سانالادى. تۇركيا بيلىگى ونى ەلدە بولعان مەملەكەتتىك توڭكەرىس جاساۋعا تالپىنىسقا كىنالى دەپ ەسەپتەيدى.

“The Qazaq Times”