فوتو: The Wall Street Journal

وڭتۇستىك كورەيالىق Samsung كومپانياسى مىنانداي بايلام جاساعان:   Galaxy Note 7 سمارتفوندارىنىڭ كەيبىرىنىڭ كۇيىپ كەتۋىنە باتەريالارى سەبەپكەر. بۇل تۋرالى The Wall Street Journal مالىمدەدى.

Galaxy Note 7 –  Samsung كومپانياسى 2016 جىلدىڭ تامىز ايىنان باستاپ ساتىلىمعا شىعارعان سمارتفون-فابلەت. كەيىننەن عانا 100 شاقتى سمارتفوننىڭ  وزدىگىنەن قىزىپ كەتەتىندىگى انىقتالعان. (ەگەر سمارتفوندار قاتتى قىزاتىن بولسا، جارىلىپ كەتۋى مۇمكىن.) كومپانيا 2,5 ميلليون سمارتفونداردى تاركىلەگەننەن كەيىن، عالىمدار توبى زەرتتەۋ جۇمىستارىن باستادى. انىقتالعانداي، اتالمىش پروبلەما كومپانيانىڭ جاڭا ونىمىندە دە بار بولىپ شىقتى.

رەسمي زەرتتەۋ جۇمىستارىنا اقش پەن وڭتۇستىك كورەيا ماماندارى جۇمىلدىرىلدى. سونداي-اق،  Samsung تاۋەلسىز تەحنيكالىق ەكسپەرتيزا تاعايىندادى. بەلگىلى بولعانداي، اقاۋى بار قۋاتتاعىشتاردى تەك Samsung SDI Co عانا ەمەس، گونكونگتاعى Amperex Technologۋ كومپانياسى دا شىعارىپ وتىرعان.

زەرتتەۋشىلەردىڭ ايتۋىنشا،  سمارتفونداردىڭ تەز قىزىپ كەتۋى – اقاۋى بار قۋاتتاعىشتاردىڭ ستاندارتقا ساي كولەمدە بولماۋىنان بولعان.

دەربەس زەرتتەۋ جۇمىستارىنىڭ تولىق ناتيجەسى  تەك  23 قاڭتار كۇنى جاريالاناتىن بولادى.

“The Qazaq Times”