Foto: inform-ua.info

Ündistannıñ astanası Delide auanıñ lastanuınıñ qauipti şekke jetuine baylanıstı bastauış mektepter jabıldı. Älemniñ eñ las astanalarınıñ tizimine kiretin, 20 mln twrğını bar Delidiñ üstin qoyu twman men tütin basqan.  Bwl turalı APF aqparattıq agenttigi jazdı.

AQŞ-tıñ Ündistandağı elşiliginiñ veb-papraqşasında jariyalanğan körsetkişterde adam densaulığı üşin qauipti sanalatın PM 2,5 mikroskopiyalıq bölşekteriniñ auadağı kölemi 700-di körsetken. Bwl Düniejüzilik Densaulıq saqtau wyımınıñ qauipsiz deñgeyinen 70 esege artıq.

Ündistannıñ medicinalıq qauımdastığı qoğamdıq densaulıq üşin alañdauşılıq tanıtıp, Ükimetten tiisti şaralardı qabıldaudı talap etti. 2 mln juıq oquşı bilim alatın bastauış mektepter halıq narazılığınıñ örşi tüsuine baylanıstı jabılğan. Ündistannıñ qorşağan ortanı qorğau wyımı aldağı künderi jağdaydıñ odan äri uşığatının eskertti.

Ayta keteyik, mwnday jağday Qazaqstanda da bar. 1,5 millionğa juıq halqı bar Almatı qalası qazirgi kezde ekologiyası eñ naşar qalalar tiziminde. Almatınıñ aspanın da kök tütin men qara twman basqan.

“The Qazaq Times”