ترامپ پەن ابە توكيودا. فوتو: WSJ.

قۇراما شتات پرەزيدەنتى دونالد ترامپ ازيا ساپارىنىڭ العاشقى بەكەتى جاپونياداعى ساپارىندا بولىپ، سەۋلگە بەت الدى. اقش پەن جاپونيانىڭ جوعارى لاۋازىمدىلارىنىڭ كەزدەسۋ وتىرىسى تۋرالى مالىمەتتەرگە قاراعاندا، ترامپ جاپونيادان اقش وندىرگەن اسكەري قارۋ-جاراقتاردى ساتىپ الۋىن ءۇمىت ەتكەن كورىنەدى. قۇراما شتات پرەزيدەنتىنىڭ ويىنشا بۇل اسكەري تەحنيكالار جاپونيادا بولسا، بيىلعى جىلى سولتۇستىك كورەيانىڭ جاپون ارالدارىنان ۇشىپ وتكەن ەكى بىردەي زىمىراندارىن دا اتىپ قۇلاتادى ەكەن. بۇل تۋرالى «WSJ» باسىلىمى حابارلادى.

اقش پرەزيدەنتى دۇيسەنبى كۇنى جاپونيا پرەمەر-ءمينيسترى شينزو ابەمەن بىرگە ءباسپاسوز كونفەرەنتسياسىندا مالىمدەمە جاسادى. ول سوزىندە: «جاپونيانىڭ اقش-تىڭ قارۋ-جاراعىن ساتىپ الۋى ەكى جاققا بىردەي ءتيىمدى. بىرىنشىدەن، امەريكا قۇراما شتاتتارى ءۇشىن ايتارلىقتاي جۇمىسپەن قامتۋدى قامتاماسىز ەتكەن بولادى. ەكىنشى، جاپونيا ءۇشىن بۇل قاۋىپسىزدىكتى قامتاماسىز ەتۋ»، – دەدى.

جاپون پرەمەرى اقش-تىڭ قارۋ-جاراعىن ساتىپ الۋدى ۇلعايتۋعا تىرىساتىندارىن، قازىرگى قولدانىستا تۇرعان زىمىران قورعانىس جۇيەلەرىن جاڭارتۋعا مۇددەلى ەكەندىكتەرىن، سونىمەن بىرگە، اقش-تىڭ ەڭ وزىق ۇلگىدەگى اسكەري اۋىر تەحنيكالارىن ساتىپ الۋ جوسپارلارىنىڭ بار ەكەنىن جەتكىزدى. ابا شينزو جاپونيانىڭ اسكەري قۋاتىن ساندىق جانە ساپالىق جاقتان ارتتىرۋعا كۇش سالاتىنىن دا ايتا كەتتى.

ەكى ەلدىڭ جوعارى لاۋازىمدى وكىلدەرى بىرنەشە مارتە كەزدەسۋلەر جاساپ، ەكى ەل اراسىنداعى ساۋدا تاپشىلىعىن تومەندەتىپ، ەكونوميكالىق ىنتىماقتاستىقتى بەكەمدەي تۇسۋگە كەلىستى.

“The Qazaq Times”