فوتو: Iran Daily

ورتالىق بارلاۋ باسقارماسىنىڭ يراننىڭ ء"ال-كايدا" لاڭكەستىك ۇيىمىمەن بايلانىسىن راستايتىن دەرەكتەرى جاريالانعاننان كەيىن، يراننىڭ سىرتقى ىستەر ءمينيسترى جاۆاد زاريف ءوزىنىڭ تۆيتتەر پاراقشاسىندا تاعىلعان بارلىق ايىپتاردى جوققا شىعاراتىن جازبا جاريالادى. بۇل تۋرالى ءال-جازيرا اقپاراتتىق اگەنتىگى جازدى. 

يراننىڭ ءال-كايدامەن بايلانىسى بولعان دەگەن مالىمدەمە ۋساما بەن لادەننىڭ قۇجاتتارىن جاريالاۋ كەزىندە جاسالدى. 2001 جىلى 11 قىركۇيەكتە بولعان وقيعانى ۇيىمداستىرۋشى ءال-كايدانىڭ باسشىسى 2011 جىلى اقش جاساعىنىڭ قولىنان قازا تاپقان بولاتىن.

يران جاريالانعان قۇجاتتاردىڭ جالعان ەكەنىن العا تارتىپ وتىر. جاۆاد زاريف 2001 جىلى بولعان، "تەرروريزمگە قارسى كۇرەس" ۇرانىمەن يسلام مەملەكەتتەرىنە قارسى سوعىس اشۋعا سەبەپ بولعان قايعىلى وقيعا اقش-تىڭ قولىمەن ۇيىمداستىرىلعانىنا سەنىمدى.

يران تەرروريزمدى قولداعانى جانە تىيىم سالىنعان ۇيىمدارمەن بايلانىسى ءۇشىن ءبىرىنشى رەت ايىپتالىپ وتىرعان جوق. كوپ جىلدار بويى بۇل ايىپتاۋلاردى باتىستىق پروپاگانداعا بالاپ كەلگەن يران ۇكىمەتى قازىر ءوزىن ەكسترەميزمگە قارسى كۇرەسۋشى مەملەكەت رەتىندە ۇسىنىپ ءجۇر. اقش-تىڭ مالىمدەمەلەرىن يراننىڭ الەمدىك ساحناداعى بەدەلىنە نۇقسان كەلتىرۋ ءۇشىن جاسالعان ارەكەت دەپ تانىعان جاۆاد زاريف مەملەكەتتىڭ "دوسىمنىڭ جاۋى-مەنىڭ دوسىم" قاعيداسىن ۇستانبايتىنىن جەتكىزدى. ءال-كايدا - اقش-تىڭ جاۋى. بىراق ول يران ءۇشىن دە دوس بولا المايدى. جاۆاد ءزاريفتىڭ سوزدەرىنەن تۇسىنگەنىمىز، تەررورلىق ۇيىمنىڭ ۇستانىمدارى يراننىڭ رەجيمىنە قارسى.

ول: "يران ءسۇريا مەن يراكتاعى تەرروريزمگە قارسى كۇرەسكە قاتىسپاعاندا، قازىر بۇل مەملەكەتتەر "يسلام مەملەكەتى ۇيىمىنىڭ قولىندا بولار ەدى", - دەدى.

“The Qazaq Times”