ءسۇريانىڭ يراكپەن شەكارالاس داير-ءاز-زاۋر قالاسى تەررورشىلاردىڭ قولىنان تولىعىمەن ازات ەتىلدى. "يسلام مەملەكەتى" لاڭكەستىك ۇيىمى ءۇشىن 2014 جىلدان بەرى ستراتەگيالىق ماڭىزى ۇلكەن مەكەن بولىپ كەلگەن شاھار ءسۇريا اسكەرى مەن ونىڭ وداقتاستارىنىڭ كۇشى ارقىلى بوساتىلدى. بۇل تۋرالى ۆۆس اقپاراتتىق اگەنتتىگى جازدى.
ءسۇريانىڭ مەملەكەتتىك تەلەارناسى "قالا تەرروريزمنەن تولىقتاي تازارتىلدى" دەپ حابارلادى. ۇلىبريتانيالىق Syrian Observatory for Human Rights ۇيىمى قالانى تولىقتاي يەلىگىنە الۋ ءۇشىن ءسۇريا اسكەرى بىرنەشە اپتا قاتارىنان كۇرەس جۇرگىزگەنىن جەتكىزدى.
2014 جىلدان بەرى تەررورشىلاردىڭ بيلىگىندە بولعان قالادان 350 مىڭعا جۋىق تۇرعىن ۇدەرە كوشكەن. داير-ءاز-زاۋر قالاسىنىڭ ماڭىزدى بولاتىن سەبەبى - ونىڭ قونىس تەپكەن گەولوكاتسياسىنا بايلانىستى. قالا ەفرات وزەنىنىڭ بويىندا "يسلام مەملەكەتى" ۇيىمىنىڭ شتاب-پاتەرى بولعان ەر-راككا قالاسى مەن يراكقا شىعاتىن شەكارا ورتاسىندا ورنالاسقان. وسى ەلدى مەكەن ارقىلى يراك پەن ءسۇريا اراسىندا جاتتىقتىرىلعان جيحادشىلار مەن قارۋ-جاراق تاسىمالى جۇرگىزىلگەن.
وتكەن ايدا اقش-تىڭ كومەگىنە ارقا سۇيەگەن سۇريالىق كۇشتەر ەر-راككا قالاسىن ازات ەتسە، داير-ءاز-زاۋر ماڭىنداعى ءوڭىردى تەررورشىلاردان بوساتۋ وپەراتسياسى وسى جىلدىڭ قىركۇيەگىندە باستالعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى