Homeney Putindi qabıldadı. Foto: USA Today.

Tehrannıñ (Tegerannıñ) aqparat qwraldarınıñ habarında, jergilikti uaqıtpen 1 qaraşa küni Resey prezidenti Vladimir Putin Iranğa saparlay barıp, eldiñ ruhani kösemi jäne prezidentimen kezdesken. Bwl turalı «Şinhua» agenttigi habarladı.

Eki el basşılarınıñ kezdesui kezinde Iranmen jasasqan altı jaqtı «Iran yadrolıq kelisimi» mäselesin, Süriya dağdarısı jäne terrorizmge qarsı ıntımaqtastıq taqırıptarın söz etken. Sapar kezinde Resey prezidentiniñ baspasöz mälimdemeşisi Putin saparınıñ Iranmen Süriya dağdarısın şeşudi maqsat etkenin atap ötti. Bwğan qosa Putinniñ bwyımtayı qatarında eki eldiñ energetika mäselesi men Iran yadrolıq mäselesin de oñdı şeşu maqsattarı bar. Bwl is-sapar kezinde Resey, Äzirbayjan, Iran basşılarınıñ sammiti ötedi dep kütilude.

Iran ükimetiniñ resmi saytında jazıluınşa, eldiñ ruhani kösemi Homeney Putinmen kezdesken kezde, eki el arasındağı ıntımaqtastıqqa joğarı bağa bergen. Iran men Resey Süriya mäselesinde qaşanda bir maydanda ekenin alğa tartqan. Sonımen birge eki el tatulığınıñ Orta-Şığıs ornıqtılığına oñdı äserin tigizip otır dep bağalağan. Homeney kezdesu kezinde AQŞ jetekşiligindegi halıqaralıq koaliciyanıñ Süriya üşin qajeti joq degen oyın ayttı.

Putinniñ Iranğa saparı Batıs elderimen birge, körşi jatqan arab elderi de bastı nazar da wstap otır. Esteriñizde bolsa Salman bin Abdu Aziz äl-Saud Reseyge saparlay barıp, öñirdegi bäsekede Irandı basıp ozu üşin Reseyge saparlay barıp, qarım-qatınastı nığaytıp qaytqan edi. Putin Saud patşasın attandıra salıp köp ötpey, öziniñ Iranğa jasağan saparınan keyin Orta Şığıs qayşılığı tağıda dübirge wlasuı bek mümkin.

“The Qazaq Times”