ماڭعىستاۋ وبلىسىندا تۋريستەرگە جاعداي جاساپ، ءتۋريزمدى دامىتۋ ماقساتىندا «اتا جولى» اۆتوجولىن جاڭارتۋ جۇمىستارى باستالدى. جالپى ۇزىندىعى 97 شاقىرىمدى قۇرايتىن جول 2011 جىلى پايدالانۋعا بەرىلگەن.

وبلىس اكىمدىگىنىڭ ءباسپاسوز قىزمەتىنىڭ مالىمەتىنشە، بىرنەشە قاباتتان تۇراتىن اۆتوجولدىڭ سوڭعى قاباتى، ياعني اسفالتتاۋ جۇمىستارى بيىل قولعا الىنىپ، وعان 5 ملرد تەڭگە ءبولىنىپ وتىر.

ال 97 شاقىرىم جولدىڭ 51 شاقىرىمىن اسفالتتاۋ 2019 جىلى اياقتالادى دەپ جوسپارلانعان.

«اتا جولى» اۆتوجولى وڭىردەگى تۋريستىك ورىندارعا، ياعني شوپان-اتا، وعلاندى جانە بەكەت-اتا زيراتىنا اپاراتىن جول. سونىمەن قاتار قازاقستاننىڭ قاسيەتتى جەرلەرىنىڭ مادەني-گەوگرافيالىق بەلدەۋىن قۇرۋعا باعىتتالعان «كيەلى مەكەن» ارنايى جوباسىنا كىرەدى.

“The Qazaq Times”