قازىرگى ۋاقىتتا ەشكىم بىرەۋگە اقىل نەمەسە  سىن ايتۋدى قالامايدى. تەك ءوزى قالىپتاستىرعان  كەڭىستىكتە ءومىر ءسۇرۋدى قالايدى. الايدا تەك ولاي ءومىر سۇرە بەرمەي باسقالاردىڭ دا پىكىرىمەن ساناسا بىلگەن ءجون. ەندەشە نازارلارىڭىزعا Quora جانە  Reddit سىندى كەڭەستەر مەن سىندار جازىلاتىن الەۋمەتتىك جەلىدەگى 30 جاسقا دەيىن ۇيرەنۋگە ءتيىس دۇنيەلەر تۋرالى جازىلعان اقپاراتتاردى نازارلارىڭىزعا ۇسىنامىز. 

الدىمەن ءوزىڭىزدى ءسۇيۋدى ۇيرەنىڭىز

فوتو: insider.pro

Quora قولدانۋشىسى رۋشي را­شين­كار وسىلاي دەيدى. باسقاشا ايتقاندا، ءوز-وزىڭىزگە دەگەن اياۋشىلىق سەزىمىن دامىتۋىڭىز كەرەك. عالىمداردىڭ ايتۋىنشا، بۇل سىزگە تابىستى بولۋعا كومەكتەسەدى ەكەن، ويتكەنى ءسىز ءوز قاتەلىكتەرىڭىزدەن ۇيرەنەسىز. ساتسىزدىككە ۇشىراعان دوسىڭىزعا نەمەسە ارىپتەسىڭىزگە قانداي ارەكەت تانىتساڭىز، وزىڭىزگە دە سولاي ىستەڭىز. سوندا وزىڭىزدەگى كەمشىلىكتەردى بايقاپ، جاعىمسىز ارەكەتتەردى جەڭۋگە تىرىساسىز.

تاۋەكەل ەتىڭىز

Quora قولدانۋشىسى پرا­ناۆ پاك بىلاي دەپ جازادى: "قازىر قاندايدا ءبىر تاۋەكەلدەرگە بارىپ ودان تاجىريبە جيناي بىلەتىن ۋاقىت. ەگەر ءبارى جاقسى بولسا ءسىز جەتىستىككە جەتتىڭىز دەگەن ءسوز. ال ساتسىزدىككە ۇشىراپ، وعان توزە بىلسەڭىز - بۇل 40 جىل ايتۋعا بولاتىن ءسىزدىڭ كەرەمەت تاريحىڭىز.  30 جاسقا دەيىن ادامدا قۋات، باتىلدىق  جەتكىلىكتى بولادى. سوندىقتان ساتسىزدىك بولعان كۇننىڭ وزىندە ءبارىن قايتا باساۋعا مۇمكىندىك بار".

مىسالى الەمدەگى ءىرى ينتەرنەت ساۋدا كومپانياسىنا اينالعان Amazon-نىڭ باسشىسى دجەفف بەزوس ساتسىزدىككە كوپ ۇشىراسا دا قايتا تاۋەكەل جاساي بىلگەن ادام. ول: "ەگەر جەڭىسكە جەتۋگە 10 پايىز بولسا دا سەنىمىڭىز بولسا، ءباس تىگۋ كەرەك", - دەيدى.

ءالسىز جاقتارىڭىزدى كۇشەيتىڭىز

بۇل Quora قولدانۋشىسى پيۋشا دج­بە­دانىڭ ايتقانى. ونىڭ سوزىنشە، ءسىزدىڭ السىزدىگىڭىز - ءسىزدىڭ باسەكەلەسىڭىز. ال ەريك بار­كەر اتتى قولدانۋشى ونىمەن تولىقتاي كەلىسەدى. ول ءوزىنىڭ بلوگىندا السىزدىگىن جەڭگەن مايك­ل فەلپ­س پەن ۋين­ستو­ن چەر­چيل­دى مىسالعا كەلتىرەدى. مىسالى مايكل فەلپستىڭ ستاندارتقا ساي كەلمەيتىن دەنە ءبىتىمى مارافونشى نەمەسە ءبيشى بولۋعا كەدەرگى جاساعانىمەن، الەمگە تانىمال ءجۇزۋشى بولۋىنا كومەكتەستى. ال ۇلىبريتانيا پرەمەر ءمينيسترى بولعان ۋين­ستو­ن چەر­چيلل پارانوياعا (پسيحيكالىق اۋرۋ) شالدىققانان كەيىن جوعارى لاۋازىمدى قىزمەتكە كەلە المايمىن دەپ ويلاعان. الايدا ول ادولف گيتلەردىڭ الەمگە توندىرگەن قاۋىپىن كورىپ، ءوزىن قايتا قولعا الدى.

ءوزىڭىزدى باسقالارمەن سالىستىرماڭىز

Reddit قولدانۋشلارىنىڭ ءبىرى ء"وزىڭىزدى باسقالارمەن سالىستىرماڭىز" دەيدى. مىسالى ءبىز جەتىستىككە جەتكەن جوستارىمىزدى نەمەسە وتباسىن قۇرىپ بالالى بولعان جاقىندارىمىزدى كورىپ، ولارمەن ءوزىمىزدى سالىستىرا باستايمىز. ال بۇل ادام بالاسىنا تەك زيان كەلتىرادى. سوندىقتان ءوزىڭىزدى وزگەمەن سالىستىرىپ ۇيرەنبەۋ كەرەك. ءبىز وزىمىزدەگى بار دۇنيەمەن ءومىر سۇرەمىز. ولاردىڭ قولىنان كەلگەن نارسە ءسىزدىڭ دە قولىڭىزدان كەلەدى. تەك تالپىنىڭىز.

ادامداردى تاڭداندىرۋ ءۇشىن دۇنيە ساتىپ الۋدىڭ قاجەتى جوق

ادامداردى تاڭداندىرۋ ءۇشىن شەكسىز ساۋدا جاساپ، سونىڭ اياسىنا ەنىپ كەتۋدەن ساقتانىڭىز. نەگىزى 20-30 جاس ارالىعىنداعى ادامدار ءبارىنىڭ بىردەن بولا سالعانىن قالايدى. الايدا ونىڭ قۇرىعىنا ىلىنبەگەنىڭىز ءجون. ويتكەنى قاناعات ەتۋ جانە اقشانى ۇنەمدەۋ بايلىققا جەتەلەيدى.

“The Qazaq Times”