![](https://qazaqtimes.com/kk/content/uploads/2017/10/BN-VV165_JFKjpg_M_20171026184630-800x480.jpg?token=bb3e09955c5d343243dd4bab445f1b19)
اقش پرەزيدەنتى دونالد ترامپ بۇرىنعى پرەزيدەنت دجون ف. كەننەديدىڭ ولتىرىلۋىمەن بايلانىستى 2800 قۇجاتتى جاريالاۋدى ماقۇلدادى. دەگەنمەن ول ۇلتتىق قاۋىپسىزدىكتى قامتاماسىز ەتۋ ماقساتىندا ءالى دە كوپتەگەن قۇجاتتاردىڭ قۇپيا كۇيىندە قالاتىنىن ايتتى. بۇل تۋرالى «Wshington Post» باسىلىمى حابارلادى.
ترامپ مەموراندۋمدا اتقارۋشى دەپارتامەنتتەر مەن اگەنتتىكتەرگە پرەزيدەنت كەننەديدىڭ قاستاندىققا ۇشىراۋىنا قاتىستى قۇجاتتاردى اشىق جاريالاۋعا بۇيىردى. اقش تاريحىنداعى تانىمال قاستاندىق وقيعاسىنىڭ سىرى اقىرى الەمگە پاش ەتىلدى. دەگەنمەن، بۇل قۇجاتتار اراسىندا ۇلتتىق قاۋىپسىزدىككە قاتىستى دەگەن ءبىر ءبولىمى قۇپيا كۇيىندە قالدى. مالىمەتكە قاراعاندا، بۇل ماتەريالدار اقش ۇلتتىق مۇراعات سايتىنا جاريالانادى.
اقش پرەزيدەنتى ترامپ ءوزىنىڭ وكىلەتتى مەرزىمىندە كەيبىر تاريحي وقيعالارعا بايلانىستى قۇپيا قۇجاتتاردى امەريكالىقتارعا اشىپ بەرەتىنىن ايتقان. اقش ۇكىمەتىنىڭ وكىلدەرىنىڭ ءبىرى بۇل قۇجاتتاردىڭ بەلگىلى دەڭگەيدە رەداكتسيادان وتكەنىن ايتتى. سەبەبى، ورتالىق بارلاۋ باسقارماسى (Central Intelligence Agency) مەن فەدەرالدى بارلاۋ باسقارماسى (Federal Bureau of Investigation) كەيبىر سەزىمتال تاقىرىپتاردان الاڭداۋشىلىق بىلدىرگەن.
الداعى ۋاقىتتا ترامپتىڭ بۇيرىعىنا سايكەس ەكى بىردەي بارلاۋ باسقارماسى كەلەسى جىلدىڭ ءساۋىر ايىنا دەيىن قۇپيا قۇجاتتاردىڭ العاشقى ءبىر ءبولىمىن اشىپ كورسەتەدى. سودان كەيىنگى قادامدا قۇپيا قۇجاتتاردىڭ سانىن بارىنشا ازايتۋعا ارەكەت جاساعالى وتىر.