Jon Kennedi qastandıqqa wşıraudan birer minut bwrın. Foto: washingtonpost.

AQŞ prezidenti Donal'd Tramp bwrınğı prezident Djon F. Kennedidiñ öltiriluimen baylanıstı 2800 qwjattı jariyalaudı maqwldadı. Degenmen ol wlttıq qauipsizdikti qamtamasız etu maqsatında äli de köptegen qwjattardıñ qwpiya küyinde qalatının ayttı. Bwl turalı «Wshington Post» basılımı habarladı.

Tramp memorandumda atqaruşı departamentter men agenttikterge prezident Kennedidiñ qastandıqqa wşırauına qatıstı qwjattardı aşıq jariyalauğa bwyırdı. AQŞ tarihındağı tanımal qastandıq oqiğasınıñ sırı aqırı älemge paş etildi. Degenmen, bwl qwjattar arasında wlttıq qauipsizdikke qatıstı degen bir bölimi qwpiya küyinde qaldı. Mälimetke qarağanda, bwl materialdar AQŞ Wlttıq mwrağat saytına jariyalanadı.

AQŞ prezidenti Tramp öziniñ ökiletti merziminde keybir tarihi oqiğalarğa baylanıstı qwpiya qwjattardı amerikalıqtarğa aşıp beretinin aytqan. AQŞ ükimetiniñ ökilderiniñ biri bwl qwjattardıñ belgili deñgeyde redakciyadan  ötkenin ayttı. Sebebi, Ortalıq barlau basqarması (Central Intelligence Agency) men Federaldı barlau basqarması (Federal Bureau of Investigation) keybir sezimtal taqırıptardan alañdauşılıq bildirgen.

Aldağı uaqıtta Tramptıñ bwyrığına säykes eki birdey barlau basqarması kelesi jıldıñ säuir ayına deyin qwpiya qwjattardıñ alğaşqı bir bölimin aşıp körsetedi. Sodan keyingi qadamda qwpiya qwjattardıñ sanın barınşa azaytuğa äreket jasağalı otır.

“The Qazaq Times”