جەر سىلكىنىسىنىڭ سالدارىنان قار كوشكىنى بولدى

«يتاليالىق رەسمي قۇتقارۋشىلار توبىنىڭ مالىمدەۋىنشە، سارسەنبى كۇنگى جەر سىلكىنىسىنىڭ سالدارىنان قار كوشكىنى بولدى. وقيعا ورىن العان اۋدانداعى مەيمانحانا تۇرعىندار قازا تاپتى»، – دەپ حابارلايدى BBC.com.

قۇتقارۋشىلاردىڭ ابرۋتستسو ايماعىنداعى گران-ساسسو تاۋىنا جاقىن ورنالاسقان سول مەيمانحاناعا جەتۋى قيىن بولعان يتاليانىڭ باق وكىلدەرىنىڭ حابارلاۋىنشا، العاشقى قۇتقارۋشىلار اپات ورنىنا شاڭعىمەن تەك 04:00-دە عانا  (گرينۆيچ بويىنشا 03:00) جەتكەن. كوپتەگەن اۋىلدى ايماقتارعا جولدار جابىلىپ قالعان. ابرۋتستسوداعى وسى ۇلكەن قار كوشكىنى ماركە، لاتسيو اۋداندارىندا ۇلكەن ۇرەي تۋدىردى.

تاۋداعى قۇتقارۋشى توپتىڭ باسشىسى انتونيو كروچەتتا العاشىندا  «كوپ ادام ولگەن» دەپ مالىمدەگەن.  سەبەبى، رەسمي ەمەس مالىمەتتەر بويىنشا وقيعا ورنىندا 30 شاقتى ادام بولعان.  مەيمانحانا شاتىرى قۇلاعان. سول ۋاقىتتا تۇگەل قار باسىپ قالعان Rigopiano مەيمانحاناسىندا 27 ادام، ناقتىسىن ايتساق، 20 تۋريست پەن 7 قىزمەتكەر  بولعانى انىقتالدى.

بەلگىلى بولعانداي بۇل كوشكىننەن كەيىن ءبىر ادام ءىز-ءتۇسسىز جوعالىپ جانە ءبىرى ومىرىمەن قوشتاسقان.

ايتا كەتەيىك، ءدال وسى ابرۋتستسو اۋداندا 24 تامىز كۇنى جەر سىلكىنىسى بولىپ، سالدارىنان 298 ادام  قازا تاپقان.

"The Qazaq Times"