يۆانكا ترامپتىڭ باستاماسىمەن ايەل كاسىپكەرلەرگە قولداۋ كورسەتەتىن الەمدىك قور قۇرىلدى

بەيسەنبىدە دۇنيەجۇزىلىك بانك ايەلدەردىڭ جاڭا ۆەنچۋرلىق قورىن اشتى. ايەلدەرىڭ دۇنيەجۇزىلىك ۆەنچۋرلىق قورىن قۇرۋ تۋرالى ۇسىنىستى اقش پرەزيدەنتى دونالد ترامپتىڭ قىزى يۆانكا ترامپ ورتاعا قويعان بولاتىن. اتالعان قوردى قۇرۋداعى ماقسات ايەل كاسىپكەرلەر مەن شاعىن بيزنەس وكىلدەرىن 1 ملرد اقش دوللارى كولەمىندەگى قارجىمەن قامداۋ. بۇل تۋرالى «WSJ» باسىلىمى حابارلادى.

ايەل كاسىپكەرلەرىنىڭ قارجى باستاماسى سارسەنبىدە رەسمي نورماتيۆتىك بازانى قابىلدادى. قوردىڭ جاريالاعان مالىمەتىندە، ۇسىنىستىڭ ءبىرىنشى راۋندى كەزىندە قارجىلاندىرۋعا 150 ميلليون دوللار قارجى بەرۋدەن باستالادى. العاشقى قارجىلاندىرۋ وتىنىشتەرى 15 جەلتوقسانعا دەيىن قابىلدانادى.

قور تۋرالى پىكىر بىلدىرگەن يۆانكا ترامپ: «جاڭا قور جۇمىس ىستەي باستادى.  ول جاھاندىق كاسىپكەرلىكتى قولداۋعا جانە ايەل كاسىپكەرلەردىڭ ءوسۋى مەن تابىستارىنىڭ ارتۋىنا كەدەرگىلەردى جويۋ ءۇشىن جۇمىس ىستەيدى. بۇل ماقساتتارعا جەتۋ ءۇشىن دۇنيەجۇزىلىك بانكپەن بىرگە جۇمىس ىستەۋدى جالعاستىرماق»، – دەدى.

“The Qazaq Times”