حاماس پەن فاتح ۇيىمدارى بەيبىت كەلىسىمگە كەلدى

گازا سەكتورىندا 2007 جىلدان بەرى ءوزارا سوعىس جۇرگىزىپ كەلە جاتقان حاماس پەن فاتح ۇيىمدارى بەيبىت كەلىسىمگە كەلدى. ەكىجاقتى كەزدەسۋلەر ولاردىڭ اراسىندا مەدياتورلىق قىزمەت اتقارعان ەگيپەتتە ءوتتى. بۇل تۋرالى APF اقپاراتتىق اگەنتتىگى جازدى. 

فاتح ۇيىمىنىڭ باسشىسى ماحمۇد ابباس بۇل شەشىمدى "سوڭعى ءارى وزگەرمەيتىن" دەپ جاريالادى. بۇۇ-نىڭ باس حاتشىسى انتونيۋ گۋتتەريش كەلىسىمدى جىلى قابىلدادى. ول سوعىس پەن تۇراقسىزدىقتىڭ اسەرىنەن زارداپ شەگىپ كەلگەن حالىقتىڭ باسىنا تۋعان گۋمانيتارلىق داعدارىستىڭ اياقتالاتىنىنا قۋاندى. ەكىجاقتى قاقتىعىستاردىڭ اسەرىنەن گازا سەكتورىنداعى حالىق ەلەكتر جارىعىنسىز قالعان بولاتىن.

بۇل كەلىسىمدى قۇپتاماعانداردىڭ ءبىرى - يزرايل. ەل پرەزيدەنتى بينيامين نەتانياحۋ  حاماس يسلامدىق ۇيىمىمەن 2008 جىلدان بەرى ءۇش سوعىستى باستارىنان وتكەرگەنىن، ولاردىڭ قارۋدى تاستاپ، ەۆرەي مەملەكەتىن مويىنداعاندارىن قالايتىنىن جەتكىزدى.

اتالعان كەلىسىمگە قۋانعان گازا سەكتورىنداعى حالىق ەگيپەت، پالەستينا، حاماس جانە فاتح ۇيىمدارىنىڭ تۋلارىن ءىلىپ، مەرەكەلىك شارا ۇيىمداستىردى.

“The Qazaq Times”