Eurofighter ۇشاعى قۇلاعان اۋماق. فوتو: aksam.com.tr,

مادريدتەگى «يسپانيا كۇنىنە» ارنالعان پارادتان كەيىن لوس ليانوس اسكەري بازاسىنا جاقىن جەردە «Eurofighter» شابۋىلشى ۇشاعى قۇلاپ تۇسكەن. بۇل تۋرالى BBC-ءدىڭ ونلاين قىزمەتى حابارلادى.

ال، فرانتسيا اقپارات اگەنتتىكتەرىنىڭ حابارىنا يسپانيانىڭ قورعانىس ءمينيسترى ۇشاقتىڭ اپاتقا ۇشىراعانى تۋرالى راستاعان. سونىمەن بىرگە يسپانيا قورعانىس تاراۋلارى بەرگەن مالىمەتتە ۇشقىش اپاتتان قازا تاپقان. ۇشقىش اپات الدىندا ورىندىقتىڭ استىندا ورناتىلعان اتىپ شىعارۋ مەحانيزمىن ىسكە قوسۋعا ۇلگەرمەگەن. بۇدان وزگە زارداپ شەككەندەر تۋرالى مالىمەت جوق.

يسپانيانىڭ كەيبىر تانىمال باسىلىمدارى جەرگىلىكتى ورىنداعى اقپارات كوزدەرىنە سىلتەمە جاساپ، ۇشاق قۇلاعان جەردە ءورت بولعانىن جازدى.

«يسپانيا كۇنىنە» وراي وتكىزىلگەن اسكەري پارادقا كورول فيليپپ IV جانە پرەمەر-مينيستر ماريانو روحوي قاتارلى جوعارى لاۋازىمدىلار قاتىسقان بولاتىن. كاتالونياداعى زاڭسىز دەپ تابىلعان رەفەرەندۋمنان كەيىن ەلدەن ورىن العان ساياسي شيەلەنىس كەزىندە وتكىزىلگەن پاراد يسپانيا تۇتاستىعىن ساقتاۋعا زور اسەر ەتەدى دەلىنگەن.

“The Qazaq Times”