تۇركيا پرەزيدەنتى رەجەپ تايىپ ەردوعان. فوتو: اناتولى.

تۇركيا پرەزيدەنتى رەجەپ تايىپ ەردوعان استانادا وتكەن ءسۇريا كەلىسسوزى بويىنشا شەشىمدەر يدليب قالاسىندا اتقارىلا باستاعانىن ايتتى. بۇل تۋرالى سول ەلدىڭ «اناتولى» اقپاراتتىق اگەنتتىگىنىڭ رەسمي سايتى جازدى.

ەردوعان ادىلەت جانە دامۋ پارتياسىنىڭ 26-شى كەزەكتى اقىلداسۋ وتىرىسى كەزىندە سويلەگەن سوزىندە حاللەبتەگى تۇرعىنداردىڭ باررەل بومبالارى ارقىلى جاسالعان شابۋىلدان بوي تاسالاپ، يدليبكە قاشۋعا ءماجبۇر بولعانى تۋرالى ايتا كەلىپ، قازىرگى يدليبتەگى كۇردەلى ماسەلەلەر تۋرالى توقتالىپ ءوتتى. سونىمەن بىرگە ەردوعان سوزىندە تۇركيانىڭ سۇرياداعى ساياساتى رەسەي مەن يران جاعىندا ەكەنىن باسا ايتتى.

تۇرىك ەلىنىڭ پرەزيدەنتى سوزىندە: «رەسەيدىڭ سىرتتاي قولداۋىمەن، تۇركيا وڭىردەگى ەركىن ءسۇريا ارمياسىمەن بىرگە ارەكەتتەر جاساۋدا. سول ارقىلى اتالعان ايماقتا استانا كەلىسىمىنىڭ شەشىمدەرى اتقارىلا باستادى»، - دەدى. ول ءسوزىنىڭ سوڭىندا افريننەن جەر ورتا تەڭىزىنە جالعاساتىن تەررورلاردىڭ جولىن تۇركيا بيلىگى قاتاڭ تۇردە توساتىنىن مالىمدەدى.

“The Qazaq Times”