ساۋد ارابياسى كورولى مەن رەسەي پرەزيدەنتى العاش رەت ماسكەۋدە كەزدەستى

كەشە، 5 قىركۇيەك بەيسەنبى كۇنى، ساۋد ارابياسىنىڭ كورولى سالمان يبن ءال-ساۋد رەسەيگە رەسمي ساپارلاي بارىپ، رف پرەزيدەنتى ۆلاديمير پۋتينمەن كەزدەستى. بۇل ساۋد ارابيا پاتشاسىنىڭ العاش رەت ورىس ەلىنە ساپارلاي كەلۋى. سونىمەن بىرگە بۇل كەزدەسۋ رەسەيدىڭ تاياۋ شىعىستاعى ءوسىپ كەلە جاتقان ىقپالىن جانە ەكى ءىرى مۇناي ءوندىرۋشى ەل اراسىنداعى ەنەرگەتيكالىق وداقتىڭ دامۋىن ايقىندايدى. بۇل تۋرالى «WSJ» باسىلىمى رەسمي سايتىندا جازدى.

رەسەي ساۋد ارابياسى باسقارىپ كەلە جاتقان مۇناي ەكسپورتتاۋشى ەلدەر ۇيىمىنا (Organization of the Petroleum Exporting Countries) مۇشە ەمەس. الايدا، 24 ەلدە بيىلعى جىلى كەلىسىمشارت بويىنشا شيكى مۇناي باعاسىن كوتەرۋ ءۇشىن، ءوندىرىستى كۇنىنە شامامەن 1,8 ميلليون باررەلگە دەيىن قىسقارتتى. وسى كەزدە رەسەي نەگىزىنەن دەلدالدىق ءرولىن وينادى دەۋگە بولادى.

ساۋد ارابياسى جانە مۇناي ەكسپورتتاۋشى ەلدەر ۇيىمىنا مۇشە باسقا مەملەكەتتەر رەسەيدىڭ ءوندىرىستى قىسقارتۋ كەلىسىم شارتىن كەلەسى جىلدىڭ ناۋرىز ايىنا دەيىن ۇزارتۋىنا كۇش سالىپ كەلەدى. پۋتين سارسەنبى كۇنى ءباسپاسوز ماجىلىسىندە بۇل كەلىسىمشارتتى قولدايتىنىن، الدە قولدامايتىنىن اشىق ايتپادى. بىراق، ول سوزىندە: «ءبىز كەلىسىمگە قول قويمادىق، بىراق قول قوياتىن بولساق بۇل شارتتى 2018 جىلدىڭ ناۋرىز ايىنا دەيىن عانا ەمەس، كەلەسى جىلدىڭ سوڭىنا دەيىن ۇزارتۋىن تالاپ ەتەمىز»، – دەگەن ەدى.

ساراپشىلاردىڭ پىكىرىنە جۇگىنەر بولساق، بۇل رەسەيدىڭ ديپلوماتيالىق قادامدارىنىڭ ءبىرى. ساۋد ارابياسىنىڭ كورولىمەن كەزدەسۋ كەزىندە رەسەي وزگەدە سەرىكتەستەرمەن كەلىسىمگە كەلۋگە دايىن ەكەنىن اڭعارتتى. بۇل ءبىر ەسەپتەن قىرىم تۇبەگىن اننەكسيالاعاننان كەيىن رەسەيگە سالىنعان سانكتسيانىڭ سالماعىن جەڭىلدەتۋى دە عاجاپ ەمەس دەپ قارايدى.

“The Qazaq Times”