قازاقستاندا اۆتوكولىك يەلەرىنىڭ شىعىندارى 4,1 ەسەگە وسكەن

ەگەر كاتەگوريا بويىنشا قارايتىن بولساق، اۆتوكولىك جوندەۋ مەن بولشەكتەردى ساتىپ الۋ شىعىنى 2-1,8 ەسەگە ۇلعايىپ، ەڭ جوعارعى كورسەتكىشكە يە بولعان.

"كولىكتى جوندەۋگە تولەنەتىن قاراجات كولەمى ءبىر ادام ءۇشىن 19 365 تەڭگەدەن 27 748 تەڭگەگە دەيىن ۇلعايعان. بەنزينگە كەتەتىن شىعىن 2952 تەڭگەدەن 3720 تەڭگەگە دەيىن كوتەرىلسە، اۆتوكولىك جۋعا 2480 تەڭگەدەن 2775 تەڭگەگە دەيىن قاراجات جۇمسالادى", - دەلىنگەن ساراپشىلار ەسەبىندە.

ال تەحنيكالىق بايقاۋعا كەلگەندە جۇرگىزۋشىلەر قاراجاتىن ۇنەمدەيتىن كورىنەدى. سەبەبى تەحبايقاۋدىڭ ورتاشا چەگى 8974 تەڭگەدەن 4605 تەڭگەگە دەيىن ازايعان. اۆتوكولىك يەلەرى كولىك بولشەكتەرى مەن اكسەسسۋارلارعا باسقالارىنا قاراعاندا كوپ قاراجات جۇمسايدى. دەسەك تە بۇل كاتەگوريا ءۇشىن ورتاشا تولەم  39 497 تەڭگەدەن 25 741 تەڭگەگە دەيىن ازايعان.

ساراپتاما جاساۋ ءۇشىن 2016 جىلدىڭ 15 قىركۇيەگى مەن 2017 جىلدىڭ 15 قىركۇيەگىندە جاسالعان تولەمدەر ەسەپكە الىنعان.

“The Qazaq Times”