يراكتىڭ بۇرىنعى پرەزيدەنتى جالال تالاباني 84 جاسىندا گەرمانيادا قايتىس بولدى. ول - ساددام حۋسەيننەن كەيىن 2005-2014 جىلدار ارالىعىندا يراكتى باسقارعان ءبىرىنشى تەگى اراب ەمەس، كۇرد ساياساتكەرى. يراكتاعى كۇردىستان اۆتونومياسى ءۇشىن بەلدى كوشباسشى سانالاتىن جالال تالاباني دەنساۋلىعىنىڭ كۇرت ناشارلاۋىنا بايلانىستى رەفەرەندۋم وتەردەن بۇرىن گەرمانياعا ەم الۋعا كەتكەن. بۇل تۋرالى ء"ال-جازيرا" اقپاراتتىق اگەنتتىگى جازدى.
جالال تالاباني قۇرعان "كۇردىستاننىڭ پاتريوتتىق وداعى" رەسمي تۇردە ءوز باسشىلارىنىڭ قازا تاپقانىن حابارلادى. ول كۇرد حالقىنىڭ اراسىندا "جالال اعا" دەگەن اتپەن بەلگىلى. يراك ساياساتكەرلەرىنىڭ ءبىرى زانا سايد: "جالال تالاباني ءولىمى ارابتار مەن كۇردتەردى قاتار قايعىرتقان جالعىز ازامات", - دەپ باعا بەردى.
ءومىرىنىڭ 40 جىلعا جۋىق ۋاقىتىن باعدادتىڭ بيلىگىنە قارسى كۇرەسكە ارناعان جالال تالاباني كۇردىستاننىڭ تاۋەلسىز مەملەكەت بولۋىن ەرەكشە قولداعان. ونىڭ اجالىنان از بۇرىن 25 قىركۇيەك كۇنى يراكتاعى كۇردىستان اۆتونومياسى تاۋەلسىزدىك ءۇشىن رەفەرەندۋم وتكىزىپ، 92,7 پايىز داۋىسپەن جەڭىسكە جەتتى. دەگەنمەن يراك ۇكىمەتى رەفەرەندۋم قورىتىندىسىن زاڭسىز دەپ تاۋىپ، مويىنداۋدان باس تارتتى.
1933 جىلى قالقاننىڭ تاۋلى وڭىرىندە دۇنيەگە كەلگەن ساياساتكەر باعداد ۋنيۆەرسيتەتىندە زاڭ ماماندىعى بويىنشا ءبىلىم العان. ۋنيۆەرسيتەت قابىرعاسىندا جۇرگەن جىلدارى كۇرد ستۋدەنتتەرىنىڭ وداعى ۇيىمىن قۇرعانى ءۇشىن قۋدالاۋعا ۇشىراعان. كەيىننەن يراك اسكەرىنە شاقىرىلىپ، تانك ديۆيزياسىن باسقارعان. مەملەكەت باسشىسى قىزمەتىندە بولعان كەزىندە جالال تالاباني ەلدەگى ءبولىنىپ كەتكەن فراكتسيالاردى بىرىكتىرۋگە كوپ كۇش سالعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى