سولتۇستىك كورەيانىڭ بالليستيكالىق زىمىراندارى. فوتو: sbs.com.au.

اقش-تىڭ ستراتەگيالىق جانە حالىقارالىق قاتىناستاردى زەرتتەۋ ورتالىعى تاراتقان مالىمەتتە، سولتۇستىك كورەيانىڭ زىمىران سىناقتارى، ترامپتىڭ پرەزيدەنت بولعان كەزەڭدەرىندە ەڭ كوپ بولاتىنىن، الدا جۇزدەگەن زىمىرانداردى اتۋعا دايىندالىپ وتىرعانىن ايتقان. بۇل تۋرالى «شينلاڭ» اقپاراتتىق سايتى جازدى.

دونالد ترامپ اقش پرەزيدەنتى بولىپ سايلانعاننان بەرى سولتۇستىك كورەيانىڭ زىمىران سىناقتار سانى كوبەيىپ كەتتى. ترامپ تاققا وتىرعان 7 اي ىشىندە سولتۇستىك كورەيا 24 بالليستيكالىق زىمىران جانە ءبىر يادرولىق بومبانى سىناقتان وتكىزگەن. اتالعان ورتالىقتىڭ مالىمەتىنە قاراعاندا، بۇل تاريحتاعى ەڭ رەكوردتىق كورسەتكىش.

اقش پەن جاپونيا قورعانىس وكىلدەرىنىڭ تاراتقان مالىمەتتەرىنە سۇيەنسەك، اقش-تان باستاۋ العان جانە بۇۇ بەكىتكەن سانكتسيالارعا قاراماستان سولتۇستىك كورەيا الداعى ۋاقىتتا جالعاستى زىمىران ۇشىرۋى مۇمكىن. ءتىپتى، ترامپ پرەزيدەنت بولىپ تۇرعان مەزگىلدىڭ وزىندە جۇزدەن استام قۇرلىقارالىق بالليستيكالىق زىمىراندار اتۋى ىقتيمال دەلىنگەن.

“The Qazaq Times”