Солтүстік Кореяның баллистикалық зымырандары. Фото: sbs.com.au.

АҚШ-тың стратегиялық және халықаралық қатынастарды зерттеу орталығы таратқан мәліметте, Солтүстік Кореяның зымыран сынақтары, Трамптың президент болған кезеңдерінде ең көп болатынын, алда жүздеген зымырандарды атуға дайындалып отырғанын айтқан. Бұл туралы «Шинлаң» ақпараттық сайты жазды.

Дональд Трамп АҚШ президенті болып сайланғаннан бері Солтүстік Кореяның зымыран сынақтар саны көбейіп кетті. Трамп таққа отырған 7 ай ішінде Солтүстік Корея 24 баллистикалық зымыран және бір ядролық бомбаны сынақтан өткізген. Аталған орталықтың мәліметіне қарағанда, бұл тарихтағы ең рекордтық көрсеткіш.

АҚШ пен Жапония қорғаныс өкілдерінің таратқан мәліметтеріне сүйенсек, АҚШ-тан бастау алған және БҰҰ бекіткен санкцияларға қарамастан Солтүстік Корея алдағы уақытта жалғасты зымыран ұшыруы мүмкін. Тіпті, Трамп президент болып тұрған мезгілдің өзінде жүзден астам құрлықаралық баллистикалық зымырандар атуы ықтимал делінген.

“The Qazaq Times”