يران جانە يراك اسكەرلەرى كۇردىستان شەكاراسى ماڭىندا وقۋ-جاتتىعۋ جۇمىستارىن وتكىزدى – دەپ حابارلايدى راديو سۆوبودا اقپارات اگەنتتىگى.

يران اسكەرلەرىنىڭ سوزىنشە، يراك كۇردىستانى شەكاراسى ماڭىندا وتكەن وقۋ-جاتتىعۋ جۇمىستارىنا قوس تاراپتىڭ ارتيللەريالىق، اسكەري اۋە جانە برونيتەحنيكالىق كۇشتەرى قاتىسقان. وقۋ-جاتتىعۋ جۇمىستارى كۇردىستان شەكاراسىنان 250 مەتر جەردە وتكەن. وسىعان بايلانىستى يران قۇرلىق اسكەرى باسشىسى موگامماد پاكپۋر جۋرناليستەر الدىندا سويلەگەن سوزىندە: «يران مەن يراكتىڭ جاۋى ءبىر. سول سەبەپتى ءوز شەكارالارىنا ءتونىپ تۇرعان قاۋىپتى بىرلەسىپ تويتارۋ ءتيىس» - دەگەن.

قىركۇيەكتىڭ 25-ءسى كۇنى يراك كۇردىستانىندا وتكەن رەفەرەندۋمنان كەيىن تۇركيا، يران، يراك، كۇردىستان شەكاراسى ماڭىنداعى اسكەرلەرىنىڭ سانىن كوبەيتىپ، ءجيى-ءجيى اسكەري وقۋ-جاتتىعۋ جۇمىستارىن وتكىزەتىن بولاعان. ءتىپتى يران بيلىگى يراك كۇردىستانىندا تاۋەلسىزدىك الۋعا بايلانىستى وتكەن رەفەرەندۋم كۇنىنەن باستاپ كۇردىستانمەن اراداعى شەكاراسىن جاۋىپ تاستاعان. ال تۇركيا باسشىسى رەجەپ تايىپ ەردوعان يراكتىڭ تەرريتوريالىق تۇتاستىعىن قولدايتىندىعىن ايتىپ، «ەگەردە كۇردىستان دەربەس ەل بولاتىن بولسا، وندا كۇرد حالقى اش قالاتىن بولادى» - دەپ مالىمدەمە جاساعان.

“The Qazaq Times”