دونالد ترامپ ازياعا كەلەدى

اقش پرەزيدەنتى دونالد ترامپ قاراشا ايىندا وڭىرلىك سامميتتەرگە قاتىسۋ ءۇشىن العاش رەت ازياعا ساپار شەگەدى. بۇل تۋرالى اق ءۇيدىڭ رەسمي مالىمدەمەسىن ۆۆس اقپاراتتىق قىزمەتى جەتكىزدى. 

ءوزىنىڭ 11 كۇندىك ساپارىندا دونالد ترامپ جاپونيا، قىتاي، وڭتۇستىك كورەيا، ۆەتنام، فيليپپين، گاۆاي ارالدارىنا بارادى. دونالد ترامپتىڭ فيليپپين پرەزيدەنتى رودريگو دۋتەرتەنىڭ ەسىرتكىگە قارسى سوعىس كامپانياسىن قولداماعانى ءۇشىن، وسىدان بۇرىن اقش پرەزيدەنتى مانيلادا وتەتىن ASEAN سامميتىنە بارمايدى دەگەن حابار تاراعان ەدى. ەندى اق ءۇي دونالد ترامپتىڭ كۇنتىزبەسىنە سامميتكە قاتىسۋ ەنگىزىلگەنىن جەتكىزدى.

وسى ايدىڭ باسىندا زىمىران سىناعىن وتكىزگەن سولتۇستىك كورەياعا ەكونوميكالىق قىسىمدى ارتتىرۋ ماسەلەسى ازياعا ساپاردىڭ ماڭىزدى تاقىرىپتارىنىڭ ءبىرى بولاتىنى ءسوزسىز. ونان بولەك، اقش-تىڭ ترانس-تىنىق مۇحيتتىق ەركىن ساۋدا اينالىمىنان شىعۋى جاپونيا سياقتى بىرقاتار ەلگە ۇناعان جوق. بەس جىلعا سوزىلعان ارىپتەستىك الەمنىڭ ەكونوميكانىڭ 40 پايىزىنا اسەر ەتتى. امەريكا ەركىن ساۋدا ايماعىنا مۇشە بولىپ قالعان 11 ەل قايتا ورالۋدى قالاسا، قۇشاق جايا قارسى الاتىندىقتارىن ءبىلدىردى. بىراق دونالد ترامپتىڭ "ەكىجاقتى كەلىسىمدەر كوپجاقتى كەلىسىمدەردەن الدەقايدا ارتىق" دەگەن مالىمدەمەسى، ونىڭ شەشىمى وزگەرمەيتىنىن اڭعارتسا كەرەك. وسى ساپار كوپ ماسەلەگە قاتىستى امەريكانىڭ پوزيتسياسىن ايقىنداپ، ونىڭ بولاشاق سەرىكتەستەرىنىڭ قاتارىندا كىمدەر قالاتىنىن كورسەتەدى.

“The Qazaq Times”