بيىل قىرعىزستان بيلىگى قازاقستان كومىرىنەن سوڭعى 450 مىڭ توننانى ساتىپ الىپ، كەلەسى جىلدان باستاپ يمپورتتى تولىق توقتاتۋدى جوسپارلاپ وتىر. بۇل تۋرالى ەلدىڭ ۇلتتىق ەنەرگەتيكا حولدينگىنىڭ باسشىسى ايبەك قاليەۆ ۇكىمەت وتىرىسىندا مالىمدەدى، دەپ حابارلايدى 24.kg.
قىرعىزستان مينيسترلەر كابينەتىنىڭ باسشىسى ساپار يسكاكوۆ جينالىس كەزىندە "مەملەكەت نەلىكتەن قازاقستاننان ءالى دە كومىر ساتىپ الىپ وتىرعانىن جانە بىشكەك جىلۋ ەلەكتر ستانتسياسى جەرگىلىكتى كومىردى قاشان پايدالانا باستايتىنىن" سۇراعان.
بۇعان ۇلتتىق ەنەرگەتيكا حولدينگىنىڭ باسشىسى جىل سايىن قازاقستاندىق كومىردى ساتىپ الۋ قىسقارىپ كەلە جاتقانىن ايتقان. ونىڭ سوزىنشە، بيىل يمپورتتالعان كومىر كولەمى ەكى ەسەگە، 400 مىڭ تونناعا دەيىن ازايعان (بىلتىرعى كورسەتكىش 700 مىڭ توننا بولعان). بۇدان بولەك قىرعىزستاندىقتار جوعارى كالوريالى قازاقستاندىق "د" ماركالى كومىردىڭ ورنىنا بالاما رەتىندە "ب" ماركالى كومىردى ەكسپەريمەنتتەن وتكىزىپ جاتىر.
"كەلەسى جىلى ءبىز كومىر باعاسى بويىنشا دايىندىق جۇرگىزۋىمىز كەرەك. ءبىز ەۋرازيالىق ەكونوميكالىق وداققا شىعامىز، ال مۇندا باسەكەلەستىك دەڭگەيى جوعارى. ەگەر قازىر ءبىز تەندەرگە قاتىستى وتىنىشتە "ب" ماركالى كومىر كەرەك دەسەك، كەلەسى جىلى دا تەك وسى ماركانى كورسەتە الامىز", - دەدى ول.
سونداي-اق، قىرعىز پرەمەرى مەملەكەت كومىردىڭ ىشكى نارىعىن ساقتاپ، كەيىن ۇتىلىپ قالماس ءۇشىن كومىر ساياساتىن جۇرگىزۋ كەرەك ەكەنىن اتاپ ءوتتى.
"بىزدە وسى ماسەلەگە قاتىستى ستراتەگيا بولۋى ءتيىس. سوندىقتان ايبەك قاليەۆكە وسى بويىنشا ناقتى ۇسىنىس ايتۋدى تاپسىرامىن", - دەدى ول.
ايتا كەتەيىك، قىرعىزستاندا جىلۋ ماۋسىمى كەزىندە جىلۋ ەلەكتر ستانتسيالارىنا ميلليون توننادان ارتىق كومىر جۇمسالادى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن