![](https://qazaqtimes.com/kk/content/uploads/2017/09/9yMTurY5-800x480.jpg?token=2a6ae9db50287d604770de164ce3363b)
2017 جىلعى 27 قىركۇيەكتە ينۆەستيتسيا داۋلارىن رەتتەۋ جونىندەگى حالىقارالىق ورتالىق (يدرحو) قازاقستاندى «قاراتوبە ينتەرنەشنل ويل كومپاني» جشس-نا 39,2 ملن اقش دوللارىن تولەۋگە مىندەتتەدى. بۇل تۋرالى قر ادىلەت مينيسترلىگىنىڭ ءباسپاسوز قىزمەتى حابارلادى.
مينيسترلىكتىڭ مالىمەتىنشە، كومپانيا تالاپ ەتكەن سوما 1 ملرد دوللاردان استام بولعان. الايدا تورەلىك سوتتىڭ شەشىمىمەن باستاپقى تالاپ ارىز 4 پايىزعا ازايتىلعان.
"بۇل «قاراتوبە ينتەرنەشنل ويل كومپاني» جشس-نىڭ قازاقستان رەسپۋبليكاسىنان اقشالاي قارجىنى ءوندىرىپ الۋعا جاساعان ەكىنشى ارەكەتى. ءبىرىنشى ارەكەتى 2008 جىلى بولعان، وندا تالاپ ارىز سوماسى 2 ملرد دوللاردى قۇراعان. 2012 جىلى تورەلىك سوت شەشىمى قر پايداسىنا شىعارىلدى. ال 2013 جىلى 5 ماۋسىمدا اتالعان كومپانيا اقش ازاماتى دەۆينچي سالاح حۋرانيدى تالاپ يەسى رەتىندە قوسىپ، يدرحو-عا تاعى دا تالاپ ارىز بەردى. بۇل جولى تالاپ ارىزدىڭ جالپى سوماسى 1 ملرد دوللاردان استى. قازاقستان تالاپ ارىزدىڭ كوپ بولىگى نەگىزسىز ەكەنىن دالەلدەدى", - دەلىنگەن ءباسپاسوز قىزمەتى حابارلاماسىندا.
ەندى مينيسترلىك الداعى ۋاقىتتا تورەلىك شەشىمگە شاعىمدانۋ پروتسەسىن باستاماق. ال شەشىم كۇشىنىڭ جويىلۋىنا ەكى جىلعا جۋىق ۋاقىت كەتەدى ەكەن.