پيوڭياڭداعى ۇلتتىق الاڭ. فوتو: The Wall Street Journal.

مالايزيا ءوز ازاماتتارىنىڭ سولتۇستىك كورەياعا بارۋىنا شەكتەۋ قويدى. بۇل تۋرالى مالايزيانىڭ سىرتقى ىستەر مينيسترلىگىنىڭ رەسمي وكىلى بەيسەنبىدە مالىمدەمە جاسادى. ءارى بۇل مالايزيانىڭ كحدر-عا ساپار جاساۋعا العاش تىيىم سالۋى ەكەنىن ايتتى. اتالعان حابارلاما جايىندا «The Wall Street Journal» باسىلىمى جازدى.

مالايزيا سىرتقى ىستەر مينيسترلىگى بۇل شەشىمنىڭ كورەي تۇبەگىندەگى شيەلەنىستىڭ ارتۋىنا جانە سولتۇستىك كورەيانىڭ زىمىران سىناقتارىن توقتاتپاۋىنا بايلانىستى جاسالىپ وتىرعانىن جەتكىزدى. دەگەنمەن، مالىمدەمەدە كورەي تۇبەگىندەگى جاعدايدا وڭدى وزگەرىستەر بولىپ، شيەلەنىستەر شەشىم تاۋىپ جاتقان جاعدايدا، مالايزيالىقتاردىڭ سولتۇستىك كورەياعا ساياحاتى قالپىنا كەلتىرەتىندىگىن ايتتى.

ەستەرىڭىزگە سالا كەتەيىك، اقپان ايىندا مالايزيانىڭ كۋالا-لامپۋر اۋەجايىندا سولتۇستىك كورەيانىڭ ەڭ جوعارى باسشىسى كيم جوڭ ۋننىڭ (Kim Jong Un) اعاسى كيم جوڭ نام قاستاندىقپەن ولتىرىلگەن بولاتىن. وسى وقيعاعا بايلانىستى ەكى ەل اراسىنداعى ديپلوماتياعا كىربەڭدىك تۇسكەن ەدى. مالايزيا مەن سولتۇستىك كورەيا كەلىسىمگە قول جەتكىزگەنگە دەيىن، كيم جوڭ نامنىڭ مۇردەسى سولتۇستىك كورەياعا قايتارىلماعان بولاتىن.

“The Qazaq Times”