ۋكرايناداعى قارۋ-جاراق قويماسىندا بولعان جارىلىس. فوتو: تۇرىك تەلە-راديو قىزمەتى.

ۋكراينانىڭ كالينوۆكا قالاسىنداعى قارۋ-جاراق قويماسىندا جارىلىس بولدى دەپ حابارلايدى تۇرىك اقپارات قۇرالدارى. جارىلىس بولعان ورىنعا جاقىن تۇرعىندار ەۆاكۋاتسيالانعان. ازىرگە جارىلىستان ءبىر ادام جاراقات العان، قازا تاپقاندار تۋرالى مالىمەت جوق. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلاپ وتىر.

كۋاگەرلەردىڭ ايتۋىنشا، العاشقى جارىلىستان اسپاندا كۇشتى جارقىل كورىنگەن. تۇرعىندار جارىلىستان پايدا بولعان ءورت پەن تۇتىننەن ۋلى گاز تۇزىلۋىنەن الاڭداپ وتىر. جەرگىلىكتى باق-تىڭ مالىمەتىنە قاراعاندا، جارىلىس تولقىنىنىڭ كۇشتىلىگىنەن قالاداعى عيماراتتاردىڭ تەرەزەلەرى سىنىپ كەتكەن. جارىلىس بولعان ورىندا 700 ءورت سوندىرۋگى جانە قۇتقارۋشى قىزمەتكەرلەر تارتىلعان.

رەسمي مالىمەتتەرگە قاراعاندا، جارىلىس بولعاننان كوپ ۇزاماي، كالينكوۆكاعا ۋكراينا قارۋلى كۇشتەرىنىڭ ۆيكتور مۋجەنكو مەن پرەمەر-مينيستر ۆلاديمير گرويسمان بارعان. قازىر قالادا ادامداردى ەۆاكۋاتسيالاۋ مەن جاپپاي تارتىپسىزدىكتىڭ الدىن الۋ شارالارى جاسالۋدا.

“The Qazaq Times”