فوتو: گولوس امەريكي

رف قورعانىس مينيسترلىگى ءسۇريادا رەسەي گەنەرالىنىڭ كوز جۇمعاندىعى جايىندا اقپارات تاراتتى.

قورعانىس مينيسترلىگىنىڭ مالىمەتىنشە، ءسۇريادا باشار اساد اسكەرىنە اسكەري كەڭەس بەرىپ جۇرگەن رف گەنەرال-لەيتەنانتى ۆالەري اساپوۆ وققا ۇشقان. ول «يسلام مەملەكەتى» لاڭكەستىك ۇيىمىنىڭ مينومەتپەن اتقىلاۋى كەزىندە كوز جۇمعان. اساپوۆ وسى ۋاقىتقا دەيىن ءسۇريا اسكەرىنە دەير-ەز-زور قالاسىن تەرروريستەردەن ازات ەتۋگە كومەكتەسىپ كەلگەن.

دەير-ەز-زور قالاسى ءسۇريانىڭ شىعىسىندا يراك شەكاراسى ماڭىندا ورنالاسقان مۇناي مەن گازعا وتە باي اۋماقتا ورنالاسقان. اتالمىش شاھار وسى ۋاقىتقا دەيىن «يسلام مەملەكەتى» لاڭكەستىك ۇيىمىنا قىرۋار قارجى الىپ كەلىپ تۇرعان. قازىرگى تاڭدا دەير-ەز-زور قالاسى ءۇشىن رەسەيدىڭ قولداۋىنداعى باشار اساد اسكەرى مەن اقش پەن بىرىككەن كواليتسيا باستاعان ءسۇريا وپپوزيتسياسى اسكەرى «يسلام مەملەكەتى» لاڭكەستىك ۇيىمىنا قارسى كۇرەس جۇرگىزۋدە.

“The Qazaq Times”