سولتۇستىك كورەياعا باعىتتالعان قىسىم ەڭ جوعارى شەككە جەتكىزىلدى

اقش پرەزيدەنتى دونالد ترامپ سەيسەنبى كۇنى سولتۇستىك كورەياعا باعىتتالعان قىسىمدى ەڭ جوعارى شەككە دەيىن ارتتىرۋعا بۇيرىق بەردى. بۇل قىسىم اتالعان ەلدىڭ سىرتقى الەممەن ساۋدا قاتىناسىن ودان ارى قىسا تۇسۋگە باعىتتالدى. سونىمەن ءبىر ۋاقىتتا ترامپ وڭتۇستىك كورەيا جانە جاپونيامەن بىرگە بىرىڭعاي وداق ەكەنىن كورسەتىپ، وقشاۋلانعان يادرولىق قارۋ-جاراققا قارسى تۇرۋدىڭ جالپى ستراتەگياسىن جاساۋعا تىرىساتىنىن ءبىلدىردى. بۇل تۋرالى «The New York Times» باسىلىمى حابارلادى.

ترامپ، سولتۇستىك كورەيانىڭ كوپتەگەن سۋبەكتىلەرىنە سانكتسيالار ەنگىزۋ تۋرالى جاڭا تاپسىرما بەردى، ول اقش-تىڭ ءوزىن جانە وداقتاستارىن قورعاۋىنا تۋرا كەلەتىن بولسا، «سولتۇستىك كورەيانى تولىعىمەن جويىپ جىبەرەدى» دەپ قورقىتقانىنا قاراماستان، ول ءالى دە اسكەري ارەكەتتەرگە ەمەس، ەكونوميكالىق قىسىم كورسەتۋدى جالعاستىراتىنىن كورسەتىپ وتىر.

سولتۇستىك كورەيانىڭ يادرولىق باعدارلاماسى الەمنىڭ تىنىشتىعى مەن بەيبىتشىلىگىنە تونەتىن ۇلكەن قاتەر، الايدا، وزگە ەلدەردىڭ ونىمەن ەكونوميكالىق بايلانىس ورناتۋىن قابىلداۋعا بولمايدى»، – دەدى ترامپ، كورەيا مەن جاپونيا باسشىلارىمەن نيۋ-يوركتەگى تۇسكى قوناعاسى كەزىندە. ترامپ جانە: «سولتۇستىك كورەيانىڭ قاتال رەجيمى ءوزى ازاماتتارىنىڭ جانە وزگە ەلدەردىڭ ەگەمەندىگىن قۇرمەتتەمەيدى».

ءۇش ەلدىڭ باسشىلارى كەڭەسە كەلە، سولتۇستىك كورەيانىڭ بارلىق ەكونوميكالىق باعىتتارىنان توسقاۋىلدار قويىپ، قىسىمدى ارتتىرا تۇسۋگە كەلىستى. ولار بۇل قادامدارى ارقىلى وزدەرىنىڭ كحدر-عا قارسى مىزعىماس وداق ەكەنىن انىق ايگىلەدى. دەگەنمەن، وسىدان بۇرىن ترامپ بۇۇ باس اسسامبلەياسىندا سويلەگەن ءسوزى بۇل شەشىمدەرىنەن قاتاڭ بولعان ەدى. ول اقش پەن ونىڭ وداقتاستارىن قولداۋ ءۇشىن ءبىر ەلدى تۇگەلىمەن جويىپ جىبەرۋگە دەيىن باراتىنىن جەتكىزىپ ەدى.

“The Qazaq Times”