قىتاي ءسىم باسشىسى بۇۇ-دا ترامپتىڭ سوزىنە قارسى پىكىر ءبىلدىردى

قىتاي ءسىم باسشىسى ۋاڭ ي كەشە بۇۇ ماجىلىسىندە ءسوز كەزەگىن الدى. كەيبىر ماڭىزدى حالىقارالىق ماسەلەلەردە قۇراما شتاتقا قارسى پىكىر ءبىلدىردى. سونىڭ ىشىندە سولتۇستىك كورەيا داعدارىسى، جاھاندىق ديپلوماتيا جانە كليماتتىڭ وزگەرۋى قاتارلى ماسەلەلەردى ءسوز ەتتى. بۇل تۋرالى «The Wall Street Journal» باسىلىمى حابارلادى.

قىتاي سىرتقى ىستەر ءمينيسترى سوزىندە، قىتايدىڭ سولتۇستىك كورەيا يادرولىق ماسەلەسىنىڭ تەك كەلىسسوز ارقىلى شەشىم تابۋىن قولدايتىنىن ايتتى. سونىمەن بىرگە، الەمدىك قاۋىمداستىقتى «پاريج كليمات كەلىسىمىن» تولىق ورىنداۋعا شاقىردى جانە بىرىككەن ۇلتتار ۇيىمىنا الەمدىك بەيبىتشىلىك پەن جاھاندىق گۋبەرناتور رەتىندە باعا بەردى.

بىرقاتار ەلدەردىڭ نەگىزگى باسشىلارى مەن وكىلدەرىنىڭ كەزەكتى سوزدەرى، سەيسەنبى كۇنگى اقش پرەزيدەنتىنىڭ پىكىرلەرىنە وراي ايتىلىپ وتىر. قىتاي ءسىم باسشىسى سوزىندە: «ءبىز قازىر تاعى ءبىر مارتە جولايرىققا كەلىپ تىرەلدىك – بەيبىتشىلىكتى تاڭدايمىز با الدە سوعىستى تاڭدايمىز با؟ اشىق الەم نەمەسە توماعا تۇيىقتىق پا؟ بىرلىك پە، الدە ىدىراۋ. بىراق ءبىز قالايدا دۇرىس تاڭداۋ جاساۋعا ءتيىسپىز»، – دەدى.

ۋاڭ ي سوزىندە ترامپتىڭ اتىن تىكەلەي ايتپاسا دا، اقش-تىڭ بۇرىنعى التىجاقتى كەلىسسوزدەرىندە بايىپتىلىق تانىتۋىن ەسكەرتتى. ءارى "سولتۇستىك كورەيانىڭ ديالوگقا قاتىسۋعا ۇمتىلىسى تۋرالى كەلىسسوزدەرىنە قۇلاق اسۋى كەرەك" دەگەندى ايتتى. ءسوز سوڭىندا قىتاي لاۋازىمدىسى: «ءبىز بەيبىتشىلىكتەن ۇمىتتەنەمىز. بىرلىكتەن باس تارتپاۋىمىز كەرەك. تاراپتار كەز-كەلگەن ماسەلەدە اقىلعا قونىمدى جولدارمەن شەشۋگە تىرىسۋى كەرەك»، – دەدى.

“The Qazaq Times”