فوتو: EPA

ۆەنەسۋەلانىڭ سىرتقى ىستەر ءمينيسترى بۇۇ-نىڭ ادام قۇقىقتارى جونىندەگى كوميسسارىن "جالعان سويلەگەنى ءۇشىن" ايىپتادى. حورحە اررەاسا  بۇۇ وكىلىنىڭ ۆەنەسۋەلادا "حالىققا قارسى جاسالعان قىلمىستار" ورىن الۋى مۇمكىن دەگەن دابىلىن جوققا شىعاردى. بۇل تۋرالى BBC اقپاراتتىق اگەنتتىگى جازدى. 

ءساۋىر ايىنان باستاپ، ۆەنەسۋەلاداعاى جالپىحالىقتىق كوتەرىلىستەردىڭ ناتيجەسىندە 120 ادام مەرت بولعان. جەنەۆادا وتكەن ادام قۇقىقتارى جونىندەگى كونسۋلدىقتىڭ سەسسياسىندا ءسوز العان بۇۇ وكىلى ۆەنەسۋەلانىڭ اسكەري كۇشتەرى كوتەرىلىسشىلەرگە قارسى كۇش قولدانعانى تۋرالى مالىمدەمە جاساعان بولاتىن. حورحە اررەاسا رەسمي باياندامانى تولىقتاي جوققا شىعاردى.

ءوز كەزەگىندە بۇۇ وكىلى ۆەنەسۋەلاداعى وپپوزيتسيا مۇشەلەرىنىڭ جاۋاپقا تارتىلۋىنا الاڭداۋشىلىق ءبىلدىرىپ، ماسەلەنىڭ ءمان-جايىن انىقتاۋ ءۇشىن، ارنايى زەرتتەۋ توبىن قۇرۋ كەرەگىن جەتكىزدى.

“The Qazaq Times”