ترامپ جانە حانىمى. فوتو: Indy 100.

اق ءۇيدىڭ جەكسەنبى كۇنى وتكىزگەن ءباسپاسوز ماجىلىسىندە، اقش پرەزيدەنتى دونالد ترامپ «11 قىركۇيەك» وقيعاسىن ەسكە الۋ راسىمىنە العاش رەت اق ءۇي باسشىسى رەتىندە قاتىسۋعا دايىندالىپ جاتىر دەپ حابارلانعان ەدى. ياعني، قۇراما شتات پرەزيدەنتى «11 قىركۇيەك» وقيعاسىنىڭ 16 جىل تولۋىنا وراي وتكىزىلەتىن ەسكە الۋ شاراسىنا حانىمى مەلانيا ترامپپەن بىرگە بارىپ قاتىسپاق. بۇل تۋرالى گونكونگتىڭ «دوڭۋاڭ/Dongwang» سايتى جازدى.

قازىر، مۇحيتتىڭ ارعى بەتىندە 11 قىركۇيەكتىڭ تاڭى اتىپ كەلەدى. بۇل كۇن كۇللى امەريكالىقتار ءۇشىن اسا ءبىرتاريحي كۇن سانالادى. ياعني، بۇل كۇنى «11 قىركۇيەك» وقيعاسى لاڭكەستىك شابۋىلىنا 16 جىل تولعالى وتىر. 16 جىل بۇرىن، لاڭكەستەر ۇشاقتاردى ۇرلاپ شىعىپ، نيۋ-يورك ساۋدا ورتالىعى عيماراتىنا شابۋىل جاساعان بولاتىن. اقش مەملەكەتتىك دەپارتامەنتتىڭ سوڭعى مالىمەتىندە "لاڭكەستىك ارەكەتتەن 3 مىڭنان استام ادام قازا بولدى" دەلىنگەن.

جەكسەنبى كۇنى اق ءۇي جاساعان مالىمدەمەدە ترامپ پەن ونىڭ حانىمى 11 قىركۇيەك كۇنى تاڭەرتەڭ وتكىزىلەتىن «11 قىركۇيەك» وقيعاسىن ەسكە الۋ جانە وندا قازا بولعان قۇرباندارعا ءۇنسىز ازا ءبىلدىرۋ جينالىسىنا قاتىسادى. سونىمەن بىرگە، ترامپ قورعانىس مينيسترلىگىنىڭ وتكىزەتىن ەسكە الۋ جيىنىنا دا قاتىسۋعا نيەت ءبىلدىرىپ وتىر. ال، ۆيتسە-پرەزيدەنت مايك پەنس شانسۆيلل قالاسىنىڭ ماڭىنداعى مەموريالدىق راسىمگە قاتىسادى دەلىنگەن.

“The Qazaq Times”