فوتو عالامتور بەتتەرىنەن الىندى.

ماسكەۋدىڭ ءباسپاسوز قىزمەتكەرلەرى اق ءۇيدىڭ تاپسىرماسىمەن قىزمەتىن توقتاتۋعا بۇيرىق بەرىلگەن سان-فرانتسيسكوداعى رەسەي كونسۋلدىعىنا قاتىستى تەكسەرۋ جۇمىستارىن فەدەرالدى ىزدەستىرۋ بيۋروسى جۇرگىزەتىنىن حابارلادى. بۇل تۋرالى APF اقپاراتتىق اگەنتتىگى جازدى.

رەسەيدىڭ ءوز ەلىندەگى امەريكالىق ديپلوماتتاردىڭ سانىن قىسقارتۋعا بايلانىستى قولعا العان شاراسى اقش-تىڭ سان-فرانتسيسكوداعى رەسەي كونسۋلدىعىن جاۋىپ تاستاۋىنا الىپ كەلدى.

قىزمەتىن توقتاتۋى ءتيىس كونسۋلدىق عيماراتىنىڭ شاتىرىنان بايقالعان كوك ءتۇتىن، جەرگىلىكتى كۋاگەرلەردىڭ ءورت ءسوندىرۋ قىزمەتىن شاقىرۋىنا تۇرتكى بولعان. ءورت ءسوندىرۋ قىزمەتى رەسەيلىك ديپلوماتتار بەلگىسىز قۇجاتتاردىڭ كوزىن جويۋعا تىرىسقان بولۋى مۇمكىن دەگەن بايلام جاسادى.

رەسەيدىڭ سىرتقى ىستەر مينيسترلىگىنىڭ ءباسپاسوز حاتشىسى ماريا زاحاروۆا فەدەرالدى ىزدەستىرۋ قىزمەتىنىڭ رەسەلىك ديپلوماتتاردىڭ جەكە يەلىكتەرى مەن سان-فرانتسيسكوداعى كونسۋلدىق عيماراتىندا ءتىنتۋ جۇرگىزگەنى "ديپلوماتيالىق يممۋنيتەت" تۋرالى حالىقارالىق شارتتاردى بۇزىپ وتىرعانىن مالىمدەدى.

ول ءوز سوزىندە: ء"بىز ۋاشينگتوننىڭ ارەكەتىن ايىپتايمىز جانە قارسى شارالار قولداناتىن بولامىز", - دەدى.

دەگەنمەن رەسەيدىڭ باستى ديپلوماتى سەرگەي لاۆروۆ دونالد ترامپتى ايىپتاۋعا اسىقپادى. ول: ء"بىز اقش-پەن رەسەيدڭ مۇددەسىنە قايشى كەلمەيتىن كەز-كەلگەن كەلىسسوزگە دايىنبىز. ەكىجاقتى قارىم-قاتىناستار جاقسى ءوربۋى ءۇشىن ارىپتەستەر "تانگو" بيلەۋى ءتيىس، ال ءبىزدىڭ جاعدايدا امەريكا ءالى دە جەكە  "برەيك -دانس" ادىستەرىن قولدانىپ ءجۇر", - دەگەن پىكىر ءبىلدىردى.

“The Qazaq Times”