وڭتۇستىك كورەيا اسا ماڭىزدى ستراتەگيالىق قورعانىس اكتيۆتەرىن ىسكە قوستى

وڭتۇستىك كورەيانىڭ ستراتەگيالىق بومبالاۋشى ۇشاعى سەيسەنبى كۇنى ەلدەگى ارتيللەريالىق اتىس قارۋىنا بومبا تاستاۋ جاتتىعۋىن وتكىزدى. وعان قوسا، قۇراما شتاتتار مەن وڭتۇستىك كورەيا كەزەكتى ماسەلەنى شەشۋ ءۇشىن وڭتۇستىك كورەيادا «ستراتەگيالىق اكتيۆتەردى» كەڭەيتۋ ماسەلەسىن تالقىلادى. بۇل جەدەل اسكەري ارەكەتتەردىڭ ءبارى دە سولتۇستىك كورەيانىڭ جاپونيا كەڭىستىگىنەن زىمىران ۇشىرۋ ىسىنە قاراتىلىپ وتىر. بۇل تۋرالى اقش-تاعى تانىمال «The Wall Street Journal» باسىلىمى حابارلاپ وتىر.

وڭتۇستىك كورەيا اتالعان ارەكەتتى سولتۇستىك كورەيانىڭ كەزەكتى زىمىران سىناعى وتكىزىلگەن سوڭ، بىرنەشە ساعاتتان كەيىن جۇزەگە اسىردى. بۇل وڭتۇستىك كورەيا پرەزيدەنتى ءمۇن جا-ين (Moon Jae-In) بۇيرىق بەرگەن «اسكەري كۇش قۋاتتى كورسەتۋ» ارەكەتىنىڭ ءبىر تارماعى بولىپ سانالادى. وسىدان بۇرىن وڭتۇستىك كورەيانىڭ قور نارىعى كحدر بالليستيكالىق زىمىران سىناقتارىنان كەيىن قۇلدىراي باستاعان بولاتىن.

وڭتۇستىك كورەيا پرەزيدەنتىنىڭ مالىمدەمەشىسى بەرگەن اقپاراتقا قاراعاندا، اقش ۇلتتىق قاۋىپسىزدىك جونىندەگى كەڭەسشىسى ماكماستەر مەن وڭتۇستىك كورەيانىڭ ۇلتتىق قاۋىپسىزدىك جونىندەگى كەڭەسشىسى چۋنگ ەيۋ-يون ستراتەگيالىق اكتيۆتەردى پايدالانۋدى تالقىلاعان. دەگەنمەن، حابارلامادا ناقتى قانداي ستراتەگيالىق قورعانىس اكتيۆتەرىن ىسكە قوساتىندارى تۋرالى اشىپ ايتپاعان. الايدا، ءبىز «ستراتەگيالىق اكتيۆتەر» ءسوزىنىڭ يادرولىق قارۋعا، سۋاستى بومبالاۋشى كەمەلەرىنە، اۆيوماتكالارعا قاراتىلا ايتىلاتىنىن انىق بىلەمىز.

وسىمەن ءبىر ۋاقىتتا، ياعني، كورەيانىڭ جەرگىلىكتى ۋاقىتىمەن ساعات 09:20 مولشەرىندە، وڭتۇستىك كورەيا ءتورت F15K جاۋىنگەرلىك ۇشاعىن جىبەرىپ، ارتيللەريالىق نىسانداردى بومبالاۋ جاتتىعۋلارىن جاسادى. وعان قوسا سول ەلدىڭ قورعانىس كۇشتەرى 800 شاقىرىمدىق جاڭا بالليستيكالىق زىمىراندى تەكسەرىستەن وتكىزدى. وڭتۇستىك كورەيا جاۋىنگەرلەرىنە بالليستيكالىق زىمىراندى اتۋ-سىناۋ سۋرەتتەرىن كورسەتتى. الايدا، بۇل سۋرەتتەردىڭ قاي ورىندا تۇسىرىلگەنى قۇپيا بولىپ قالدى.

بۇگىن تۇستەن بۇرىن وڭتۇستىك كورەيا، اقش جانە جاپونيا ەڭ جوعارى لاۋازىمدىلارىنىڭ تەلەفوندا سويلەسۋى جيىلەپ كەتتى. اقش پرەزيدەنتى مەن جاپونيا پرەمەر-ءمينيسترى جانە وڭتۇستىك كورەيا ءسىم باسشىسى مەن اقش مەملەكەتتىك حاتشىسى تەلەفون ارقىلى سويلەسىپ، ۇكىمەتتەرىن قاربالاس كۇيگە ءتۇسىردى. تاراپتار بۇۇ قاۋىپسىزدىك كەڭەسىنە كحدر-نىڭ سوڭعى راكەتالىق سىناق ماسەلەسىن تاپسىرۋعا كەلىسكەن.

“The Qazaq Times”