ازەربايجان اسكەري قارۋ-جاراق قويماسىندا جارىلىس بولدى. فوتو: Defence Blog.

27 تامىز كۇنى ازەربايجاننىڭ اسكەري قارۋ-جاراق قويماسىندا كۇشتى قوپارىلىس تۋدى. سول ەلدىڭ دەنساۋلىق ساقتاۋ مينيسترلىگى مەن توتەنشە جاعدايلار دەپارتامەنتى جارىلىستان قازا بولعاندار مەن جارالانعانداردىڭ بار ەكەنىن مالىمدەدى. بىراق ازىرگە دەيىن ناقتى دەرەكتەر تاراتىلمادى. بۇل تۋرالى «People» باسىلىمىنىڭ رەسمي سايتى حابارلادى.

«سپۋتنيك» اگەنتتىگىنىڭ حابارىندا دا، ازەربايجان قورعانىس مينيسترلىگى اتالعان حاباردى راستاعانى تۋرالى ايتىلعان. جارىلىس بولعان اۋماققا 10 قۇتقارۋ كولىگى دەر كەزىندە جەتكەن. الايدا، قوپارىلىس قارۋ-جاراق قويماسىنىڭ بىرنەشە جەرىندە ارت-ارتىنان قايتالانعاندىقتان قۇتقارۋ كولىكتەرى قويماعا جاقىنداۋعا شاراسىز قالعان.

ازەربايجان قورعانىس جانە ىشكى ىستەر مينيسترلىكتەرى قازىرگە دەيىن قوپارىلىستىڭ ناقتى سەبەپتەرى مەن قازا بولعاندار تۋرالى ناقتى اقپاراتتاردى جاريا ەتپەگەن.

“The Qazaq Times”