فوتو عالامتور بەتتەرىنەن الىندى.

قىتاي اقش-تىڭ ۆەنەسۋەلاعا قارسى ەنگىزگەن سانكتسيالارىن قولدامايدى. Reuters اقپاراتتىق اگەنتتىگىنىڭ حابارلاۋىنشا، پەكين اقش-تىڭ بۇل ارەكەتتەرى بەيبىتشىلىك پەن دەموكراتياعا اكەلمەيدى دەپ ەسەپتەيدى. 

اقش ۆەنەسۋەلادا ءساۋىر ايىنان باستاپ جالعاسىپ كەلە جاتقان حالىق قارسىلىعىن ەسكەرمەگەنى ءۇشىن مەملەكەت پرەزيدەنتى نيكولاس مادۋروعا جانە مۇناي كومپانيالارىنا قارسى سانكتسيالار سالىپ، قازىرگى ۇكىمەت ديكتاتۋرا ورناتۋعا ۇمتىلىسىن دوعارىپ، دەموكراتيا ورناتىپايىنشا، ەكونوميكالىق شەتەۋلەردەن باس تارتپايتىنىن حابارلاعان بولاتىن.

ال ۆەنەسۋەلا بيلىگى بۇل سانكتسيالاردى اقش-تىڭ تاراپىنان جاريالانعان "ساۋدا سوعىسى" دەپ تاۋىپ، ەكونوميكانى كوتەرۋدىڭ باسقا تەتىكتەرىن تاباتىندارىنا سەنىمدىلىك ءبىلدىردى.

قىتايدىڭ سىرتقى ىستەر مينيسترلىگىنىڭ ءباسپاسوز  حاتشىسى حيا چۋنينگ: "بىرجاقتى سانكتسيالاردىڭ ەشقانداي وڭدى ناتيجەگە الىپ كەلمەيتىنىن الەم تاجىريبەسىنەن بىلەمىز. ۆەنەسۋەلانىڭ ماسەلەسىن ونىڭ ۇكىمەتى مەن حالقى وزدەرى شەشۋى كەرەك. قىتايدىڭ پوزيتسياسى وزگە مەملەكەتتەردىڭ تاۋەلسىزدىگىن قۇرمەتتەپ، ولاردىڭ  ىشكى ىسىنە ارالاسپاۋعا نەگىزدەلگەن", - دەدى.

“The Qazaq Times”