رەسەي S-400 جۇيەسىن ساتىپ بەرۋ تۋرالى تۇركياعا جاۋاپ قايتاردى

وسىدان بۇرىن تۇركيا ناتو-نىڭ قارسىلىعىنا قاراماستان, رەسەيدىڭ S-400 قورعانىس جۇيەلەرىن ساتىپ الماق بولعانى تۋرالى ايتىلعان ەدى. ءبىر كۇن بۇرىن رەسەي  تۇركيا جاقتىڭ ساتىپ الۋ تالابىنا جاۋاپ قايتاردى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلادى.

رەسەيدىڭ فەدەرالدىق اسكەري تەحنيكالىق ىنتىماقتاستىق بولىمشەسىنىڭ باستىعى دميتري شۋگاەۆ تۇركياعا S-400 قورعانىس جۇيەسىن ساتىپ بەرۋ تۋرالى كەلىسسوزدەرگە كەلىسىم بەرەتىندەرىن، ءارى بۇل كەلىسىمدەردە رەسەي جاق گەوساياسي ستراتەگيالىق مۇددەلەردى قامتاماسىز ەتەتىندەرىن ءبىلدىردى.

اسكەري تەحنيكالار فورۋمى «ارميا-2017» وتىرىسىندا ءسوز العان، دميتري شۋگاەۆ سوزىندە: «ۇزاق قاشىقتىقتاعى اۋە قورعانىس جۇيەلەرىن تاسىمالداۋ تاقىرىبىندا تۇركيامەن كەلىسسوزدەر جالعاسىن تابۋدا»، – دەدى.

ال، رەسەيدىڭ مەملەكەتتىك قارۋ ەكسپورتى فيرماسىنىڭ باسشىسى تۇركيا جاقپەن S-400 قورعانىس جۇيەسىن تاسىمالداۋ تۋرالى كەلىسىمشارتتاردىڭ جاسالىپ بولعانىن، تەك قول قويىلۋىن كۇتىپ تۇرعاندارىن ايتتى.

“The Qazaq Times”