امەريكالىقتار عاسىردا ءبىر رەت بولاتىن كۇن تۇتىلۋىن قارسى الدى

عاسىردا ءبىر-اق رەت كورۋگە بولاتىن كۇننىڭ تولىق تۇتىلۋىن تاماشالاۋ ءۇشىن امەريكالىقتار جۇمىستارىن توقتاتتى. كۇن جۇيەسىندەگى وسى ءبىر قىزىقتى قۇبىلىس كۇننىڭ تولىق تۇتىلۋى ءبىر عاسىردا ءبىر-اق رەت بولدى، دەپ جازدى «The New York Times» باسىلىمى تاڭعى جاڭالىقتارىندا.

كۇننىڭ تولىق تۇتىلۋى سولتۇستىك جارتى شاردان، سولتۇستىك امەريكا قۇرلىعىنان انىق كورىنەدى. امەريكالىقتاردىڭ سوزىنشە، بۇل كۇن تۇتىلۋ تەك امەريكالىقتار ءۇشىن ەكەن. ايتسا ايتقانداي – قۇراما شتاتتىڭ 12 شتاتىنان تولىقتاي تاماشالاۋعا بولادى. ۋاشينگتون مەن ورەگون شتاتتارىنىڭ شەكاراسىنان ورەگوننىڭ ورتالىق قالاسى پورتلەند قالاسىنان باستالىپ، قۇراما شتاتتىنىڭ ورتالىق شتاتتارىن كولبەۋلەي كەسىپ وتەدى. وڭتۇستىك كارولينا شتاتىنان اياقتالادى.

ءبىر عاسىر بۇرىن كۇن تۇتىلۋىن تاماشالاۋشى امەريكالىقتار. فوتو: The New York Times.

مۇنداي تابيعات قۇبىلىستارىنان ءلاززات الۋعا قۇشتار امەريكالىقتار، 12 شتاتتىڭ جەر-جەرىنەن جينالىپ، كۇننىڭ تۇتىلۋىنتاماشالاعان. ولار ءجۇز جىل بۇرىن وسى قۇبىلىستى قاراعانداردىڭ سۋرەتتەرىن الا كەلگەن، وزدەرى دە ەستەلىك سۋرەتتەرگە ءتۇسىپ، كەلەسى عاسىر ادامدارىنا جولداپ بەرمەك.

“The Qazaq Times”