جانازا. فوتو: Afghanistan | World | Asia | Human Rights Watch.

اۋعانستاننىڭ ورتالىق قالاسى كابۋلدا «اۋعانستانداعى سوعىس قۇرباندارىنا قاتىستى ۇلتتىق زەرتتەۋدى قولعا الۋ» تاقىرىبىندا ارنايى وتىرىس بولىپ ءوتتى. وعان اۋعانستاننىڭ ۇكىمەت ورىندارى، قوعامدىق ۇيىمدارى، سونداي-اق، بۇۇ وكىلدەرى دە قاتىستى. بۇل تۋرالى «پارس.اقپارات» اگەنتتىگىنىڭ رەسمي سايتى حابارلادى.

بىرىككەن ۇلتتار ۇيىمىنىڭ اۋعانستان ىستەرى جونىندەگى ادام قۇقىعى ءبولىمىنىڭ باسشىسى اتالعان وتىرىستا اۋعانستانداعى سوعىس قۇرباندارى تۋرالى دەرەكتەردى العا تارتتى. ول 2009 جىلدان بەرى سول ەلدە سوعىس جانە لاڭكەستىك شابۋىلداردان قۇربان بولعاندار سانىنىڭ 77 000 ادامعا جەتكەنىن حابارلادى.

«بۇل ادامداردىڭ كوبى مەشىتتەر مەن مەكتەپتەردە، اۋىرۋحانالاردا جانە باسقا دا الەۋمەتتىك ورىنداردا قاساقانا قىرىپ-جويۋ ارەكەتتەرىنىڭ، جارىلعىشتار مەن مينالاردىڭ قۇرباندارى»، - دەدى بۇۇ-نىڭ اۋعانستان ىستەرى ءبولىمىنىڭ وكىلى.

“The Qazaq Times”