الماتى اۋەجايىنىڭ تابىسى ازايدى

"حالىقارالىق الماتى اۋەجايى" اق-نىڭ تابىسى سالىق تولەنگەننەن كەيىن 2017 جىلدىڭ قاڭتار-ماۋسىمىندا 2 ترلن تەڭگەدەن ءسال جوعارى بولدى. ال بۇل كورسەتكىش وتكەن جىلدىڭ سايكەس كەزەڭىنە قاراعاندا 35,7 پايىزعا تومەن بولىپ وتىر. وتكەن جىلعى كورسەتكىش 3,1 ترلن تەڭگەنى قۇراعان بولاتىن. 

اۋەجايدىڭ قىسقا مەرزىمدى اكتيۆتەرى 15,93 ترلن تەڭگەنى قۇرادى. ال وتكەن جىلدىڭ جارتى جىلدىعىندا بۇل كورسەتكىش 9,9 ترلن تەڭگە بولعان. وسىلايشا قىسقا مەرزىمدى اكتيۆتەردىڭ ءوسىمى 60,4 پايىزدى قۇرادى. ال ۇزاق مەرزىمدى اكتيۆتەر بيىلعى جارتى جىلدىقتا 7,9 پايىزعا نەمەسە 59,8 ترلن تەڭگەدەن 55,1 ترلن تەڭگەگە دەيىن قىسقارعان.

اۋەجايدىڭ قىسقا مەرزىمدى مىندەتتەرى قاڭتار-ماۋسىم ايىندا 2,4 ەسەگە ءوسىپ،  3,8 ترلن تەڭگەدەن 9,4 ترلن تەڭگەگە دەيىن جەتتى. ۇزاق مەرزىمدى مىندەتتەر 19,5 ەسەگە قىسقاردى. 2016 جىلدىڭ ءبىرىنشى جارتى جىلدىعىنداعى 6,6 ترلن تەڭگە كورسەتكىشكە يە بولسا، وسى جىلدىڭ التى ايىندا بۇل 338,8 ملن تەڭگەگە دەيىن قىسقارعان.

الماتى اۋەجايىنىڭ جارعىلىق كاپيتالى 78,41 ملن تەڭگە دەڭگەيىندە وزگەرىسسىز قالدى.

"حالىقارالىق الماتى اۋەجايى" اق-نىڭ جالعىز اكتسيونەرى «Venus Airport Investments B.V.» كومپانياسى جانە اكتسيونەرلىك قوعامنىڭ جارعىلىق كاپيتالى 78 414 مىڭ تەڭگەنى قۇرايدى . اۋەجايدا جولاۋشىلار تاسىمالى بويىنشا 28, جۇك تاسىمالى بويۆنشا  9  اۋەكومپانيا جۇمىس ىستەيدى.

“The Qazaq Times”