رەسەيدىڭ قيىر شىعىستا ورنالاستىرعان زىمىرانعا قاراسى جۇيەلەرى. فوتو: Sputnik International.

كورەي تۇبەگى ماسەلەسىنىڭ شيەلەنىسۋىنە بايلانىستى رەسەيدىڭ اۋە قورعانىس كۇشتەرى جانە زىمىرانعا قارسى جۇيەلەرى دايىندىق كۇيگە كەلتىرىلدى. بۇل تۋرالى رەسەي دۋماسىنىڭ وكىلى ۆيكتور وزەروۆ مالىمدەدى دەپ حابارلايدى «پارس.اقپارات» اگەنتتىگىنىڭ رەسمي سايتى.

مەملەكەتتىك دۋمانىڭ قاۋىپسىزدىك جانە قورعانىس كوميتەتى جاعىنان شەشىم قابىلدانىپ، قيىر شىعىستاعى اۋە كۇشتەرى مەن زىمىرانعا قارسى جۇيەلەردى تولىقتاي دايىندىق كۇيىنە اۋىستىردى. بۇنىڭ سەبەبى سولتۇستىك كورەيانىڭ قيىر-شىعىسقا زىمىران شابۋىل جاساۋىنان ساقتانۋ ءۇشىن دەپ كورسەتتى.

رەسەي دۋماسىنىڭ وكىلى ۆيكتور وزەروۆ: «كورەي تۇبەگىندەگى داعدارىس رەسەي اۋماعىن قورعاۋ ءۇشىن قاۋىپسىزدىك شارالارىن كۇشەيتۋگە سەبەپ بولىپ وتىر»، – دەدى. رەسەي قيىر-شىعىستاعى زىمىران قورعانىس جۇيەلەرى، الياسكا، قىتاي، سولتۇستىك كورەيا زىمىراندارىنان ستراتەگيالىق قورعانۋعا باعىتتالعان، ءبىرشاما كەمەلدى بولعان زىمىران قورعانىس جۇيەسى سانالادى.

“The Qazaq Times”