فوتو: WaveLength Weekly

اقش پرەزيدەنتى دونالد ترامپ ۆەنەسۋەلاعا اسكەري ينتەرۆەنتسيا جاسايتىنىن مالىمدەدى. "ۆەنەسۋەلادا بەيبىت تۇرعىندار جازىقسىز كوز جۇمىپ، داعدارىستىڭ اششى ءدامىن تاتىپ جاتىر. اقش وسى ادىلەتسىزدىكتى توقتاتۋ ءۇشىن ۆەنەسۋەلاعا قارسى بىرقاتار شارالار قاراستىردى. ونىڭ ىشىندە اسكەري ينتەرۆەنتسيا دا بار", - دەدى ول.  بۇل تۋرالى Reuters اقپاراتتىق اگەنتتىگى جازدى.

ۆەنەسۋەلا بيلىگىنىڭ  ەلدە ورىن الىپ جاتقان حالىق نارازىلىعىن ەسكەرمەستەن، ءوز مۇددەسىنە ارەكەت ەتىپ وتىرعانى، دەموكراتيالىق پرينتسيپتەردى بۇزعانى ءۇشىن اقش ۇكىمەتى ۆەنەسۋەلانىڭ بىرقاتار ازاماتتارى مەن ۇيىمدارىنا قارسى سانكتسيالار سالعان بولاتىن. دەگەنمەن ساياسي تۇلعالاردىڭ جەكە اكتيۆتەرىنىڭ بۇعاتتالۋى دا، ۆەنەسۋەلاداعى ەنەرگەتيكالىق كومپانيالاردىڭ قىزمەتىنە ەكونوميكالىق شەكتەۋ ورناتۋ تۋرالى مالىمدەمەلەر دە نيكولاس مادۋرو ۇكىمەتىن ءوز دەگەندەرىنەن قايتارا العان جوق. سوندىقتان اقش ۆەنەسۋەلاعا اسكەرىن كىرگىزۋ ارقىلى كەلەسى قادامعا بارۋى مۇمكىن.

ءوز كەزەگىندە ۆەنەسۋەلانىڭ قورعانىس ءمينيسترى ۆلاديمير پادرينو اقش-تىڭ بۇل ارەكەتىن "اقىماقتىق" دەپ اتادى.

اق ءۇيدىڭ  بەرگەن اقپاراتىنا سايكەس، ۆەنەسۋەلا پرەزيدەنتى نيكولاس مادۋرو جۇما كۇنى دونالد ترامپپەن تەلەفون ارقىلى سويلەسۋگە نيەت بىلدىرگەنىمەن، امەريكا باسشىسى "ۆەنەسۋەلادا دەموكراتيا قايتا ورناعان كەزدە عانا مادۋرومەن قۋانا-قۋانا سويلەسەمىن", - دەپ كەسىپ ايتقان.

ۆەنەسۋەلانىڭ بەلدى تۇلعالارى وسىدان الدىن دا اقش-تىڭ اسكەري كۇش پايدالانۋى مۇمكىن دەگەن پىكىر بىلدىرگەن. ۆەنەسۋەلانىڭ بۇرىنعى مينيسترلەرىنىڭ ءبىرى Reuters اقپاراتتىق اگەنتتىگىنە بەرگەن سۇحباتىندا، "جاعالاۋعا جاقىن ماڭدا اقش ءوزىنىڭ زەنيتتىك زىمىراندارىن ورناتىپ جاتىر" دەپ حابارلاعان ەدى.

“The Qazaq Times”