سولتۇستىك كورەيا: گۋام ارالىنا شابۋىل دايىندىعى تامىزدىڭ ورتاسىنا دەيىن اياقتالادى

اقش پەن سولتۇستىك كورەيا اراسىندا ۇركىتىپ-قورقىتىپ، ايبار شەگۋ تولاستار ەمەس. بۇۇ بولسىن، اقش بولسىن سولتۇستىك كورەيانىڭ زىمىران سىناقتارىن توقتاتىپ قالا الماي وتىر. اقش العاشقى جۇدىرىق رەتىندە جاڭا ەكونوميكالىق سانكتسيا جاريالادى. بۇل داعدىلى امال سولتۇستىك كورەيانى ساباسىنا تۇسىرە الار ەمەس. ەسەسىنە ءتىپتى دە شيراي ءتۇسىپ، اقش-تىڭ اسكەري بازاسىن اتقىلايمىن دەپ زىلدى جاۋاپ قايىردى.

سولتۇستىك كورەيا 8 شىلدە كۇنى «ورتالىق اقپارات» اگەنتتىگىنەن تاراتقان مالىمدەمەسىندە، كحدر قارۋلى كۇشتەرى «مارس12» بالليستيكالىق زىمىرانىن قولدانىپ، گۋام ارالىن اتقىلاۋعا دايىندالىپ جاتقانىن حابارلادى. حاباردا اسكەري ساراپشىلاردىڭ گۋام ارالىنداعى اسكەري بازالارعا شابۋىلدىڭ تەكسەرۋ، انىقتاۋ جۇمىستارىن باستاپ كەتكەنىن، قورتىندىسى شىعىپ، ازىرلىك جاسالىپ بولعاننان كەيىن سولتۇستىك كورەيا ەڭ جوعارى باسشىسى كيم جوڭ ۋننىڭ بەكىتىپ، بۇيرىق شىعارۋىنا جولدانادى دەلىنگەن.

قىتايدىڭ «شينلاڭ» اقپاراتتىق سايتىنىڭ بۇگىنگى حابارىنا قاراعاندا، 10 شىلدە تاڭەرتەڭ سولتۇستىك كورەيا تاعىدا مالىمدەمە تاراتىپ تامىز ايىنىڭ ورتاسىنا دەيىن كحدر اسكەري ساراپشىلارى تولىق دايىندىق جۇمىستارىن جاساپ بولىپ، كيم جوڭ ۋننىڭ بۇيرىق شىعارۋىنا جولدايتىنىن ايتقان.

بۇل جاسالىپ جاتقان قادامدار سولتۇستىك شىعىس ازيا، قالا بەردى كورەي تۇبەگى ماسەلەسىنىڭ حالىن كۇننەن كۇنگە اۋىرلاتىپ كەلەدى. اقش بۇل كۇندە اسكەري دايىندىقتارىن تولاسسىز جالعاستىرىپ وتىر. ونى ولاردىڭ «بارلىق مۇمكىندىكتەردى دە ەسەپتەپ وتىرمىز» دەگەن مالىمەتىنەن دە كورۋگە بولادى.

“The Qazaq Times”