ءپۋتيننىڭ ابحازياعا ساپارى اقش پەن رەسەيدىڭ باقتالاستىعىن ايگىلەدى

رەسەي پرەزيدەنتى ۆلاديمير پۋتين گرۋزيادان بولىنگەن ابحازياعا ساپارلاي باردى. پرەزيدەنت رەتىندە بۇۇ-دا رەسمي دەربەستىگى مويىندالماعان ابحازياعا ساپارلاي بارۋى كوپتەگەن ەلدەردىڭ نارازىلىعىنا ۇشىرادى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلايدى.

پۋتين ابحازياداعى ساپارى كەزىندە ءباسپاسوز ءماجىلىسىن باسقارىپ، رەسەيدىڭ ابحازيامەن قارىم-قاتىناستى نىعايتا تۇسەتىندىگىن، اسىرەسە قاۋىپسىزدىك جانە تۋريزم سالاسىندا سەلبەستىكتەردى نىعايتاتىندىعىن اتاپ ءوتتى. ول جانە ابحازيانىڭ دەربەستىگىن بارىنشا قولداۋعا تاباندى بولىپ، اسكەري جاقتان كومەك بەرۋدى جالعاستى جۇرگىزەتىنىن اتاپ ءوتتى.

ءپۋتيننىڭ كەزەكتى ساپارى اقش ۆيتسە-پرەزيدەنتى مايك پەنستىڭ گرۋزيا استاناسىندا بولىپ قايتقاننان ءبىر اپتا كەيىن بولىپ وتىر. اقش گرۋزيا-رەسەي، ۋكراينا-رەسەي اراسىنداعى شيەلەنىستەرىنەن ءوز ۇپايىن تۇگەندەۋگە تىرىسادى. ال، رەسەي ناتو مەن اقش-تى قارا تەڭىز بەن كاۆكاز وڭىرىنە اتتاپ باستىرعىسى كەلمەيدى. گرۋزياعا اقش ۆيتسە-پرەزيدەنتى ساپارىنا جاۋاپ رەتىندە، گرۋزيادان بولىنگەن، رەسمي تۇردە دەربەس ەل سانالىپ ۇلگەرمەگەن ابحازياعا جاسالعان پۋتين ساپارى دا اقش پەن رەسەي اراسىنداعى باقتالاستىقتى اڭعارتىپ تۇر.

ايتا كەتەتىنى، ءپۋتيننىڭ بۇل قادامىنا ۋكراينا مەن گرۋزيا پرەزيدەنتتەرى نارازىلىق ءبىلدىرىپ، ايىپتادى.

“The Qazaq Times”