فوتو: مونتسامە

تامىزدىڭ 7-ءسى كۇنى مونگوليا بانكى «مونعول التىنى» باعدارلاماسىن ىسكە اسىرۋعا كىرىستى، دەپ حابارلايدى مونتسامە اقپارات كوزى.

مونگول بانك جاساپ شىققان «مونعول التىنى» باعدارلاماسى بويىنشا، ەل ۇكىمەتى مەن ۇكىمەتتىك ەمەس ۇيىمدار بىرلەسىپ مەملەكەتتىڭ ۆاليۋتا قورىن ۇلعايتۋى ءتيىس.

«مونعول التىنى» باعدارلاماسى ءۇش ايعا سوزىلاتىن بولادى. وسى ءۇش اي ىشىندە مونعول بانك ەل حالقىنا، مەملەكەتتىك ەمەس كومپانيالارعا ەلدىڭ ۆاليۋتا قورىن كوبەيتۋ ءۇشىن التىن ساتىپ الاتىندارىن تۇسىندىرەدى.

ەستەرىڭىزگە سالايىق، شىلدە ايىندا مونعوليا پرەزيدەنتى حالمااگين باتتۋلگا حالىقارالىق ۆاليۋتا قورىنىڭ وكىلدەرىمەن كەزدەسۋ وتكىزگەن. كەزدەسۋ بارىسىندا قور وكىلدەرى حالمااگين باتتۋلگاعا ەل ەكونوميكاسى جوعارى كورسەتكىشتەر كورسەتىپ تۇرعاندا ۆاليۋتا قورىن ۇلعايتۋ كەرەكتىگىن ايتىپ، كەڭەس بەرگەن بولاتىن.

“The Qazaq Times”