فوتو: ontustik.gov.kz

وڭتۇستىك قازاقستان وبلىسىندا جىل سوڭىنا دەيىن 209 وبەكتىنىڭ 116-سىن پايدالانۋعا بەرۋ جوسپارلانىپ وتىر. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. 

ونىڭ ىشىندە 1 قىركۇيەك كۇنى 20 مەكتەپ پايدالانۋعا بەرىلمەك. اتالعان 209 ينۆەستيتسيالىق جوبانىڭ ىسكە اسىرىلۋىنا 64,9 ملرد تەڭگە جۇمسالادى.

ۆەدومستۆو  مالىمەتىنشە، قۇرىلىسى جوسپارلانعان 209 نىساننىڭ 93-ءى 2018 جىلعا وتەدى. ياعني 79 ءبىلىم بەرۋ نىسانى، 38 دەنساۋلىق ساقتاۋ نىسانى، 1 الەۋمەتتىك قامتۋ، 3 سپورت، 4 مادەنيەت، 1 اۋىل شارۋاشىلىعى، 1 ىشكى ىستەر ورگاننىڭ، 1 مۇراعات، 2 اباتتاندىرۋ، 1 قورشاعان ورتانى قورعاۋ، 57 تۇرعىن ءۇي جانە 21–ينجەنەرلىك-كوممۋنيكاتسيالىق نىساننىڭ قۇرىلىسى جوسپارلانعان.

سونداي-اق، 34 نىساننىڭ جوبالاۋ سمەتالىق قۇجاتتامالدارى ازىرلەنۋدە. بۇل جۇمىستارعا 3,8 ملرد تەڭگە باعىتتالعالى وتىر.

“The Qazaq Times”