فوتو: so-l.ru

يزرايل «ءال-جازيرا» اقپاراتتىق اگەنتتىگىنىڭ يەرۋساليمدەگى بولىمشەسىنىڭ  قىزمەتىنە تىيىم سالماق. بۇل تۋرالى ءيزرايلدىڭ بايلانىس ءمينيسترى ايۋب كارا يەرۋساليمدە وتكەن ءباسپاسوز كونفەرەنتسياسىندا مالىمدەپ، باق وكىلدەرىمەن بولعان كەزدەسۋگە ءال-جازيرانىڭ جۋرناليستەرىن كىرگىزبەگەن.

ايۋب كارا: «ءبىز ءال-جازيرانىڭ قىزمەتىن قولدامايمىز، ونى تەرروريزم مەن ەكسترەميزمگە قاتىسى بار دەپ تاپقان وزگە اراب مەملەكەتەرىنىڭ قوزعالىسىنا قوسىلامىز»، - دەدى.

مينيستر پارلامەنتتىڭ قاراۋىنا بەرىلگەن شەشىم ماقۇلدانۋى ءۇشىن بارلىق زاڭدى شارالاردى جۇزەگە اسىرۋدان ايانىپ قالمايتىنىن جاسىرمادى.

ءوز كەزەگىندە ءال-جازيرا وزىنە تاعىلعان ايىپتاۋلاردىڭ نەگىزسىز ەكەنىن العا تارتىپ، يزرايل ءمينيسترىنىڭ ءسوزى شىندىققا اينالسا، ءوز قۇقىقتارىن قورعاۋعا دايىن ەكەندىكتەرىن جەتكىزدى.

«ءال-جازيرا» اقپاراتتىق اگەنتتىگىنىڭ وكىلى: «ءبىز حالىقارالىق ستاندارتتارعا نەگىزدەلگەن ساپالى جانە كاسىبي اقپارات تاراتۋدى جالعاستىرا بەرەمىز»، - دەپ مالىمدەدى.

“The Qazaq Times”