Фото: so-l.ru

Израиль «Әл-Жазира» ақпараттық агенттігінің Иерусалимдегі бөлімшесінің  қызметіне тыйым салмақ. Бұл туралы Израильдің байланыс министрі Аюб Кара Иерусалимде өткен баспасөз конференциясында мәлімдеп, БАҚ өкілдерімен болған кездесуге Әл-Жазираның журналистерін кіргізбеген.

Аюб Кара: «Біз Әл-Жазираның қызметін қолдамаймыз, оны терроризм мен экстремизмге қатысы бар деп тапқан өзге Араб мемлекетерінің қозғалысына қосыламыз», - деді.

Министр Парламенттің қарауына берілген шешім мақұлдануы үшін барлық заңды шараларды жүзеге асырудан аянып қалмайтынын жасырмады.

Өз кезегінде Әл-Жазира өзіне тағылған айыптаулардың негізсіз екенін алға тартып, Израиль министрінің сөзі шындыққа айналса, өз құқықтарын қорғауға дайын екендіктерін жеткізді.

«Әл-Жазира» ақпараттық агенттігінің өкілі: «Біз халықаралық стандарттарға негізделген сапалы және кәсіби ақпарат таратуды жалғастыра береміз», - деп мәлімдеді.

“The Qazaq Times”