«بەيبىتشىلىك ورناتۋشىلار» سوعىس الاڭدارىندا حالىققا قارسى قىلمىستار جاساعان

بۇۇ-نىڭ "بەيبىتشىلىك ورناتۋشى" اسكەرى الەمنىڭ سوعىس الاڭدارىنا اينالعان ايماقتارداعى جەرگىلىكتى حالىقتى قورعاپ، ەل تىنىشتىعىن قايتارۋ ماقساتىندا كۇرەسىپ جاتقانى بەلگىلى. اۋعانىستان، ءسۇريا سىندى مەملەكەتتەردەگى حالىق وزدەرى ءۇشىن سوعىسىپ جاتقان جات ەلدىڭ ازاماتتارىن وزدەرىنىڭ "قۇتقارۋشىلارى" كورەدى. دەگەنمەن، Associated Press (AP)-ءتىڭ جاريالاعان مالىمەتتەرىنە سۇيەنسەك، 2004-2016 جىلدار ارالىعىندا بۇۇ-نا "قۇتقارۋشىلاردىڭ" جەرگىلىكتى حالىققا قاتىستى جاساعان زورلىق ىستەرى تۋرالى 2 مىڭنان اسىپ جىعىلاتىن شاعىم كەلىپ تۇسكەن.

بۇۇ ءوز مالىمدەمەلەرىندە زورلاۋ جانە ادامنىڭ ار-وجدانىنا قول سۇعۋ فاكتىلەرىنە بەي-جاي قاراي المايتىنىن بىرنەشە رەت ايتقان. ال "قۇتقارۋشىلاردىڭ" قولىنان وسىنداي قورلاۋعا ۇشىراپ، امان قالعان زورلىق قۇرباندارى، جۋرناليستەر، قۇقىق قورعاۋ ورگانىنىڭ قىزمەتكەرلەرى "بۇۇ سوعىس الاڭدارىندا بولىپ جاتقان ادىلەتسىزدىكتەردى بىلە تۇرا، كوز جۇمىپ وتىر" دەپ ەسەپتەيدى.

“The Qazaq Times”