«نيدەرلاندتىق «Nederlandse Spoorwegen» (NS) كومپانياسى قالاداعى تەمىرجول قۇرامىن جەلدى ەنەرگيالى جۇيگە الماستىرۋ جوباسىن اياقتادى»، – دەپ حابارلايدى The Guardian.

 ەكى جىل بۇرىن جاريالانعان تەندەر اياسىنداعى مەردىگەر رەتىندە جەرگىلىكتى Eneco ەنەرگەتيكالىق كومپانياسى تانىلعان. كەلىسىمشارت 10 جىلعا جاسالعان. ونداعى شارتتار بويىنشا، جاڭا جەلدى-ەنەرگەتيكالىق  پوەزدار  2018 جىلدىڭ قاڭتار ايىنىڭ ءبىرىنشى جۇلدىزىنان باستاپ ىسكە قوسىلادى دەپ  جوسپارلانعان. الايدا بۇل جۇمىستار جوسپارلى مەرزىمىنەن ەرتە اياقتالدى.

گرافيكتى انىقتاۋعا جاڭا ەلەكتروستانتسياسى بار ايماقتاعى قۇرىلىس جۇمىستارى سەبەپشى بولدى. ازىرشە بۇل قىزمەتكە سۇرانىس وتە جوعارى: مۇنداي ەنەرگيانىڭ جىل سايىنعى كولەمى   ساعاتىنا 7,4 ميلليارد كيلوۆاتتتى الادى. ال 2015 جىلعى كورسەتكىش دەڭگەيى ساعاتىنا 12,5 ميلليارد كيلوۆاتتقا دەيىن جەتكەن.

كۇن سايىن NS اينالىمعا 5,5 مىڭ قالالىق باعىتتاعى پوەزداردى شىعارۋدا. جەلدىگەنەراتورلى پوەزد ءبىر ساعاتتا 200 كم ءجۇرىپ وتەدى جانە ونىڭ تاسىمالداۋشى قىزمەتىن كۇنىنە 600 مىڭ ادام پايدالانادى. كومپانيا 2020 جىلعا قاراي جولاۋشى سانىنا بولگەندەگى ەنەرگيا شىعىنىن تاعى 35 پايىزعا قىسقارتۋدى جوسپارلاپ وتىر.

 گۇلىم رىسقۇل

"The Qazaq Times"